Lukas 19:13 - Dakota Wowapi Wakan Kin

¹³ Unkan taokiye wikcemna wicayuhe cin, hena wicakico, qa mazaska tkeutapi wikcemna wicaqu, qa hewicakiya; Tohanyan wahdi śni hehanyan un po.

Lukas 19:13 ပူးပေါင်းရင်းမြစ်များ

Mattheos 25:16

Unkan tuwe tkeutapi tanka zaptan icu qon he iyaye, c̣a on wopeton ece econ, qa nakun tkeutapi tanka zaptan kamna.

Mattheos 25:20

Unkan tuwe tkeutapi tanka zaptan icu qon he zaptan toktokeca koya ahi qa heya; Itancan, tkeutapi tanka zaptan mayaqu; iho, nakun tkeutapi tanka zaptan hena awakamna, eya

Mattheos 25:22

Hehan tuwe tkeutapi tanka nom icu qon he hi, qa heya; Itancan, tkeutapi tanka nom mayaqu; iho, nakun tkeutapi tanka nom hena awakamna.

Mattheos 25:24

Hehan tuwe tkeutapi tanka wanjidan icu qon he hi, qa heya; Itancan, wicaśta niteḣika sdonwaya, tukten woyaju śni eśta etanhan wamnayaya ece, qa tukten taku eḣpeyaye śni kin hetanhan wayapahi ece.

Lukas 19:12

Qa heya; Wicaśta ihdawa wan makoce itehan wan ekta iyaya, wokiconze icu qa ku kta.

Lukas 19:14

Tuka taoyate kin waḣtedapi śni, qa tuwe iyahna yeśipi, qa heyapi; Wicaśta kin de unkidakapi kta uncinpi śni ce.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Galatia 1:10

Wicaśta qa Wakantanka, unma tukte cinwicawakiya he; qa wicaśta kin iyokipiwicawaya awakita he. Wicaśta kin iyokipiwicawaya unkanś, Messiya wowidagmaye kte śni tuka.

Jakob 1:1

Jakob, Wakantanka taokiye, qa Jesus Messiya Itancan tawa kin he, wicowazi akenonpapi enanakiya eyaye cin hena wowapi wicakicaga; wookiye.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.