Lukas 16:24 - Dakota Wowapi Wakan Kin

²⁴ Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.

Lukas 16:24 ပူးပေါင်းရင်းမြစ်များ

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 3:9

Qa, Abraham ateunyanpi ce, eyeciyapi kta awacinpi śni po; miye heciciyapi, Inyan kin dena etanhan Wakantanka Abraham cinca kicage kta okihi.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Lukas 16:30

Tuka heya; Hiya, ate Abraham: tuka ṭapi kin eciyatonhan wanji ekta wicai unkanś, ihduecetupi kta tuka.

Lukas 19:9

Unkan Jesus heciya; Anpetu kin de wanikiyapi tipi kin de hiyohi; Abraham cincaye cin wanji hee nakaeś.

Lukas 3:8

Hecen iyopeiciyapi iyececa waskuyeca icaḣya po, qa, Abraham ateunyanpi ce, cante mahen ecinpi śni po; miye heciciyapi; Wakantanka inyan kin dena etanhan Abraham cinca kicage kta okihi.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Johannes 4:14

Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.

Johannes 7:37

Wośnapi anpetu ehake qa tanka kin en, Jesus najin qa hotankakiya heya; Tuwe ipuza kinhan en mau qa mini yatke kta.

Roma 4:12

Qa tona bakiḣdayapi kin heceepidan śni, nakun Abraham ateunyanpi, hinaḣin bakiḣdaye śni, he ehan wacinye ciqon, tona he oye kin ohna manipi kinhan, hena iś eya bakiḣdayapi kin en ateyapi kte cin heon.

II. Thessalonike 1:8

Peta ide kin en, tona Wakantanka sdonyapi śni, qa Jesus Messiya Itancan unkiyapi tawotanin waśte anagoptanpi śni kin hena wośitkihda wicaqu kta;

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Jakob 3:6

Wicaceji kin he peta, qa woaḣtani iyatahdepi; hecen wicaceji unhuhapi kin ehna un, wicatancan kin ocowasin aśamya, qa wicoicage ohomniyan aideye c̣a, iś eya wakanśica ti kin etanhan ideic̣iya.

Wayuotanin 19:20

Hehan wamanica kin he niyake yuzapi, qa woitonśni wokcan kin he nakun, he wamanica kin itokam wowapetokeca econ, qa on tona wamanica wowapetogton tawa yuhapi, qa iyacinpi kin ohodapi kin hena wicahnaye cin hee. Unkan hena napin niyake peta mde wan inyan zi on itkonyahe cin he en iyoḣpewicayapi.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.