Lukas 16:21 - Dakota Wowapi Wakan Kin

²¹ Qa wicaśta wijica wahna wotapi tawa kin etanhan osnaśna hinḣpaye cin hena yunkiyapi kta cin. Tuka śunka kin en ahi, qa oḣdiḣdi kin śdipapi.

Lukas 16:21 ပူးပေါင်းရင်းမြစ်များ

Mattheos 15:27

Unkan iye; Han, Itancan; tuka śunka kin iye wicayuhapi wahna wotapi tawapi kin etanhan ośnaśna hinḣpaye cin hena etanhan yutapi ece, eya.

Markos 7:28

Unkan iye waayupte c̣a heciya; Han, Itancan; tuka wahna wotapi kin ihukuya hokśiyopa yuśnapi kin śunka yutapi ece.

Lukas 16:20

Nakun wicaśta waḣpanica wan Lazaros eciyapi, he tatiyopa kin en ahionpapi, tancan owancaya ḣdihdi;

Lukas 16:22

Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Johannes 6:12

Unkan imnanpi hehan waonspewicakiye cin hewicakiya, Oyaptapi kin hena pahi po, hecen takudan atakuni kte śni.

I. Korinth 4:11

Qa nakun anpe dehan wotekteunhdapi, qa iunpuzapi, qa tancounkapidan, qa unkaśtakapi, qa tuktedan tinsadan unyakonpi śni;

II. Korinth 11:27

Mdowakiṭa qa nina ḣtawani kin on, ota kiktahan waun kin on, wotektewahda qa imapuza on, ijehan amakiḣan kin on, macuwita qa tancodan waun kin on;