Lukas 16:16 - Dakota Wowapi Wakan Kin

¹⁶ Woope qa wicaśta wokcan kin hena Johannes hehanyan; tuka hetanhan Wakantanka tokiconze kin oyakapi ece, qa owasin en opapi kte ḣinca.

Lukas 16:16 ပူးပေါင်းရင်းမြစ်များ

Mattheos 10:7

Qa dapi eca yaotanin po, qa; Maḣpiya wokiconze kin wanna kiyedan un ce, eya po.

Mattheos 15:11

Taku wicai kin ohna iyaye cin he wicaśta kin yuśape śni; tuka taku wicai kin etanhan hiyu kin he wicaśta yuśape cin ee.

Mattheos 21:32

Johannes wicoowotanna canku kin ohna en niupi, tuka wicayadapi śni; tuka wamnayanpi qa wawiciḣaḣapi econpi sa, hena wicadapi; he wandakapi eśta nukun iyohnkam wicayadapi kta e on nihduhomnipi śni.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Markos 1:14

Unkan Johannes kaśka hnakapi qehan, Jesus Galile en hi, qa Wakantanka tokiconze wotanin waśte kin oyaka:

Markos 1:45

Tuka tankan hde c̣a, nina ohdake c̣a, owancaya yaotanin, hecen hetanhan Jesus otonwe kin en taninyan ye kta okihi śni, tuka tankan ḣewotahedan un ece: unkan owancaya tanhan yanke cin en hipi ece.

Lukas 10:11

Nitotonwepi watuśekśeca ountkapapi kin hee kaeś itkom unnicicatatapi ce; tuka Wakantanka tokiconze kin he kiyedan nihiyohipi kin sdonya po.

Lukas 10:9

Qa wayazanka en unpi kin hena asniwicaya po, qa, Wakantanka tokiconze kin he kiyedan nihiyohipi ce, ewicakiya po.

Lukas 16:29

Abraham heciya; Moses qa wicaśta wokcan kin hena yuhapi; hena iś anawicagoptanpi eśta śni.

Lukas 16:31

Unkan heciya; Moses qa wicaśta wokcan kin hena anawicagoptanpi śni ehantanhan, ṭapi kin eciyatanhan wanji kini qeyaś, nakun wicadapi kte śni ce, eya.

Lukas 9:2

Qa Wakantanka tokiconze kin oyakapi kta, qa wayazankapi kin asniwicayapi kta ye wicaśi.

Johannes 1:45

Philip Nathanael akipa, qa heciya; Moses woope en owa qon, qa wicaśta wokcanpi kin nakun, he wanna iyeunyanpi, Jesus Nazareth etanhan, Joseph cinhintku kin hee.

Johannes 11:48

Iyowinunkiyapi kinhan wicaśta owasin wicadapi kta; kinhan Roma oyate kin den upi kta, qa otonwe kin de unkasotapi, qa nakun unkitaoyatepi kin hena ko.

Johannes 12:19

Unkan heon etanhan Pharisee kin iyakitedan hekiciyapi; Wanyaka po, takudan oyakihipi śni; iho, wicaśta owasin he ihakam iyayapi.

Johannes 5:4

Tohan iyehantu eca, maḣpiya ohnihde wan mini kin en hi qa śkanśkanya ece. Tokiya yazan kin owasin tohan mini in he śkanśkan eca tuwe tokaheya en iyoḣpeic̣iya eca asni ece.

Olianyanpi kin 3:18

Tuka Wakantanka Messiya token kakije kte cin, wicaśta wokcan kin owasin i kin eciyatanhan, oyake ciqon hena he en hduecetu.