Lukas 14:11 - Dakota Wowapi Wakan Kin

¹¹ Tuwe kaśta ihduwankantu kinhan, hee yuhukun iyayeyapi kta ce; qa tuwe ihduhukuye cinhan, hee yuwankantuya ayapi ece e kta.

Lukas 14:11 ပူးပေါင်းရင်းမြစ်များ

Mattheos 23:12

Tuwe yuwankan iyeic̣iye kta hecinhan, he yuhukun eḣpeyapi kta; qa tuwe ihduhukuya hecinhan, he yuwankan iyeyapi kta.

Lukas 1:51

Iye isto kin on wowaśake hdutanin; witantanpi kin hena taku cante mahen wacinyuzapi kin en wicayuomdeca.

Lukas 1:52

Waśakśakapi kin oyanke etanhan kun hdicuwicaye c̣a, kuya unpi qon hena wankan wapa awicaya.

Lukas 14:12

Unkan hehan kico qon he heciya; tohan wiyotanhan wotapi, qa iś ḣtayetu wotapi yakage cinhan, kodawicayaye, c̣a nihunkawanji, qa takuwicayaye cin, qa nikiyedan wijinya unpi kin, hena wicakico śni wo; iś ake okinni nicopi, qa hecen nicicajujupi kta.

Lukas 18:14

Wicaśta kin de yuowotanpidan tiyata kihda, qa unma qon hee śni, eciciyapi ce: Qa tuwe ihduwankantuya kinhan, he yuhukun iyeyapi kta: qa tuwe ihduhukuye cinhan, hee yuwankan ayapi kta ce.

Jakob 1:9

Hunkawanjinkiciyapi waḣpanica kin yuwankan iyeyapi kinhan, heon iyuśkin kta.

Jakob 4:10

Itancan kin itokam makata eḣpeic̣iya po, kinhan yuwankan inicupi kta.

Jakob 4:6

Tuka sanpa wowaonśida wicaqu ece; heon heya, Wakantanka waḣanic̣idapi kin wicakipajin, tuka tona onśikiḣanpi kin hena wowaonśida wicaqu ece.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.

I. Inyan 5:6

Heon etanhan, Wakantanka nape waśake cin ihukuya onśikiḣan po; hecen tohan iyehantu kinhan yuwankan inicupi kta: