Lukas 13:19 - Dakota Wowapi Wakan Kin

¹⁹ Sinape sukaza wanji iyececa, he wicaśta wan icu, qa maga tawa kin en iyoḣpeya; unkan icage, c̣a can tanka aya; unkan maḣpiya okinyanpi kin adetka kin en iyahanpi ece.

Lukas 13:19 ပူးပေါင်းရင်းမြစ်များ

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Markos 4:30

Hehan heya; Taku e Wakantanka tokiconze kin iyececa unyawapi kta he; qa wiyacinpi kin tukte e on unkiyacinpi kta he.

Lukas 17:6

Unkan Itancan kin heya; Sinape sukaza wan iyecen wacinyayapi kinhan, eukamin can kin de, Hute ihdamna qa miniwanca kin en huic̣ihde wo, eyakiyapi kta, kinhan ananigoptanpi kta tuka.

Olianyanpi kin 2:41

Unkan tona oie kin iyuśkinyan icupi kin hena baptem wicaqupi; hecen anpetu kin he en wicanagi kektopawinge yamni en opapi.

Olianyanpi kin 21:20

Unkan hena naḣonpi qehan, Itancan kin idowanpi qa Palos heciyapi, Cinye, Juda wicaśta kektopawinge ota wicadapi, qa owasin wicoope kin sutaya awakicinpi kin he wandaka.

Olianyanpi kin 4:4

Tuka wicoie naḣonpi qon hena wicota wicadapi; unkan wicaśta kektopawinge zaptan ecetu.

Roma 15:19

Tuka wowapetokeca tanka, qa woyuśinyaye econpi, Wakantanka Taniya Wakan towaśake kin eciyatanhan, hecen Jerusalem etanhan, qa ohomniyan Ilurikon ekta Messiya tawootanin waśte kin omdaka ece.

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.