Lukas 12:37 - Dakota Wowapi Wakan Kin

³⁷ Wicayuhe cin hdi kinhan, ookiye kin tona wakta unpi iyewicakiye cin, hena wicayawaśtepi; awicakehan heciciyapi ce, Wicayuhe cin iye ipiyagkiton, qa ookiye kin hena wote kta iyotangwicakiye, c̣a u, qa owicakiye kta ce.

Lukas 12:37 ပူးပေါင်းရင်းမြစ်များ

Mattheos 24:42

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Lukas 12:36

Qa niś wicasta wicayuhe cin kiciyuzapi kin eciyatanhan hdi kta ape hiyeye cin hena iyecen un po; tohan hdi qa tiyopa hdatoto kinhan wancake kiciyu ḣdokapi kta.

Lukas 12:43

Itancan tawa kin ku, qa taokiye wanji hecen econ yanka wanhdake cinhan, hee yawaśtepi ece.

Lukas 17:8

Qa iś kaken, Woyute wiyeya rnicihnake c̣a, ipiyagkiton qa omakiya wo; qa miś tohan wawate c̣a wamdatke cinhan, iyohakam niś ito wayate c̣a wadatke kta ce, eciye kte śni he.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Lukas 22:27

Wota yanke cin, qa wayutankiyapi kin, hena unma tukte iyotan tanka he. Tuwe wota yanke cin hee śni he. Tuka miś wayutankiyapi kin he iyecen cicipi waun ce.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

Philippi 1:21

Wani kin he Messiya ee, qa maṭe cinhan sanpa tanyan waun kta.

Philippi 1:23

Taku nom aoṭins mayanpi; ekta mde c̣a Messiya kici waun kte ḣinca, he iyotan waśte.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

Wayuotanin 14:13

Hehan maḣpiya kin eciyatanhan wicaho wan nawaḣon, hecen emakiya, Wowapi ecen kaga wo; Detanhan wicaṭe cin tona Itancan kin en ṭapi kin hena wicayawaśtepi ece. Han, Woniya kin eya, Wicoḣtani kin ayuśtanpi kta, qa wicoḣan kin wiciyahna iyaya ece.

Wayuotanin 16:15

Iho, wamanon sa wan iyecen wau ce. Tuwe kiktahan un, qa wokoyake kpatan kin he yawaśtepi ece, hecen tancodan mani kte śni, qa wiśtece cin wanyakapi kte śni.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.