Lukas 12:33 - Dakota Wowapi Wakan Kin

³³ Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 12:33 ပူးပေါင်းရင်းမြစ်များ

Mattheos 19:21

Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Lukas 11:41

Tuka taku duhapi kin etanhanhan wicaqu po; kinhan taku owasin niciskapi kta ece.

Lukas 12:21

Tuwe woyuha kihnaka, tuka Wakantanka ekta wijice śni kin he he kicica ce, eya.

Lukas 16:9

Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Johannes 12:6

He wamanon heca, qa mazaska opiye yuhe c̣a, ohna mazaska omnayan, heon hecen eya; wowaḣpaninca kin incantowicahnake cin heon heye śni.

Olianyanpi kin 2:45

Qa tona maga qa woyuha yuhapi kin hena e wiyopekiyapi, qa otoiyohi cinpi kin iyecen owasin wicakipamnipi.

II. Korinth 8:2

Hena wokakije tanka en nina iyuśkinpi, qa iyotan waḣpanica unpi kin he etanhan taku ota iyokipiya wicaqupi.