Lukas 12:28 - Dakota Wowapi Wakan Kin

²⁸ Hecen Wakantanka peji anpedehan mngata hiyeya, qa heyakecinhan petan eḣpeyapi kin hee kaeś wokoyake qu ehantanhan, kitanna wicayndapi kin, niś iyotan wokoyake nic̣upi kte śni he.

Lukas 12:28 ပူးပေါင်းရင်းမြစ်များ

Mattheos 14:31

Unkan Jesus ecahankeya nape ekta yekiye c̣a yuwankan icu, qa heciya; Cistinna wacinyaya, tokeca wacetunyahda he.

Mattheos 16:8

Tuka Jesus he sdonye c̣a hewicakiya; Cistinna wacinyayapi kin, tokeca niye iyakitedan ayakinicapi he, aguyapi iyacupi śni heon.

Mattheos 17:17

Hehan Jesus ayupte c̣a heya; Wicoicage wacinye śni qa wacin teḣike, tohanyan cicipi waun kta he; tohanyan iyowinciciyapi kta he; den makau po.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 6:30

Unkan tinta peji, dehan icage c̣a heyakecinhan oceti en eḣpeyapi ece kin, he Wakantanka hecen koyagya hecinhan, niś niye wacinyan nicistinpidan, sanpa wakoyagniyanpi kte śni he.

Mattheos 8:26

Unkan hewicakiya; Cistinna wacinyayapi kin, tokeca koyakipapi he. Hehan inajin qa tate mini ko kiśica; unkan amdakedan tanka.

Lukas 8:25

Unkan hewicakiya; Wacinyayapi kin tukte e he. Unkan iś wikopapi, inihanpi qa hekiciyapi; De taku wicaśta he; tate mini kici ee kaeś okiya eca, anagoptan ece.

Hebrew 6:7

Maka kin ota amagaju kin he yuḣepe c̣a, tona kicanyanpi kin hena on taku peji iyecetuya aicage cin he Wakantanka yuwaśte.

I. Inyan 1:24

Wicaceḣpi owasin peji iyececa, qa wicaśta towitan kin owasin peji ḣca kin iyececa. Peji kin he śniś aye c̣a waḣca kin hinḣpaya ece;