Lukas 11:2 - Dakota Wowapi Wakan Kin

² Unkan hewicakiya; Ceyakiyapi kinhan kaken eya po; Ateunyanpi maḣpiya ekta nanke cin, nicaje wakandapi nunwe: Nitokiconze kin u kte: Maḣpiya ekta nitawacin econpi kin he iyecen maka akan econpi nunwe.

Lukas 11:2 ပူးပေါင်းရင်းမြစ်များ

Mattheos 10:32

Heon etanhan tuwe kaśta wicaśta wicitokam miye omayake cinhan, he Ate maḣpiya en un kin itokam omdake kta.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Lukas 11:1

Unkan tukten cekiya un, qa ayaśtan qehan waonspewicakiye cin wanji heciya; Itancan, wocekiye eya onspeunkiya po, Johannes waonspewicakiye cin onspewicakiye ciqon he iyececa.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 8:15

Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.

I. Korinth 1:3

Wowaonśida, wookiye ko, Wakantanka Ateunyanpi, qa Jesus Messiya Itancan kin etanhan niyepi en nicipi un nunwe.

II. Korinth 1:2

Wowaonśida, wookiye ko, Wakantanka Ateunyanpi, qa Jesus Messiya Itancan kin etanhan, nicipi un nunwe.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Ephesos 1:2

Wowaonśida, wookiye ko, Wakantanka Ateunyanpi kin etanhan, qa Jesus Messiya Itancan unkiyapi kin etanhan niyepi en nicipi un nunwe.

Philippi 1:2

Wakantanka Ateunyanpi, qa Jesus Messiya Itancan unkiyapi kin etanhan, wowaonśida, wookiye ko niyepi kin en nicipi un nunwe.

Philippi 4:20

Wakantanka Ate unyanpi kin wowitan owihanke wanin kicihan nunwe. Amen.

Kolosse 1:2

Kolosse ekta tona owotanna un, qa hunkawanjin kiciyapi Messiya wacinyanpi kin hena, wowapi cicagapi. Wowaonśida wookiye ko, Wakantanka Ate unyanpi, qa Jesus Messiya Itancan kin etanhan, niyepi kin en nicipi un nunwe.

I. Thessalonike 1:1

Palos, qa Siluanos, qa Timotheos, Thessalonike ekta okodakiciye kin, Wakantanka Ateyapi kin en, qa Jesus Messiya Itancan kin en un kin, wowapi wicakicagapi: Wowaonśida, wookiye ko, Wakantanka Ateunyanpi etanhan, qa Jesus Messiya Itancan kin nakun, niyepi en nicipi un nunwe.

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.

Wayuotanin 15:4

Itancan, tuwe konicipe kte śni, qa nicaje kin inidowan kte śni he; niśnana oniowotanna; qa oyate hiyeye cin owasin upi, qa nitokam canpeśka makehde enajin kta; woyaco nitawa kin wanna tanin kin heon etanhan.

Wayuotanin 19:6

Unkan nawaḣon, wicota hotaninpi kin iyececa, qa mini ota iḣaḣa kin iyececa, qa wakinyan tanka hotonpi kin iyececa, kaken eyapi, Jehowa yatan po; Itancan Wakantanka Iyotan Waśake cin he Wicaśtayatapi un.

Wayuotanin 20:4

Unkan oiyotanke kin heca wanmdaka, qa tona akan iyotankapi kin hena woyaco yuhapi. Unkan tona Jesus oyakapi kin on, qa Wakantanka oie kin on pa bawicaksapi qon, wamanica kin wakagapi ko ohodapi śni, qa wowapetogton tawa kin itepi, qa napepi kin en yuhapi śni, hena nagipi kin wanwicamdaka, ake kinipi qa Messiya kin kici ounyanpi, waniyetu kektopawinge hehanyan.