Lukas 1:49 - Dakota Wowapi Wakan Kin

⁴⁹ Tuwe waśake cin he taku ḣinca ecamicon; unkan caje kin wakan ce.

Lukas 1:49 ပူးပေါင်းရင်းမြစ်များ

Markos 5:13

Unkan hecehnana Jesus iyowinwicakiya. Hecen woniya śapapi kin tankan hinanpapi qa kukuśe kin mahen iwicayayapi. Unkan optaye kin ecehna maya ḣince cin en naśdog eyaye c̣a minin iyayapi; owancaya kektopawinge nonpa ecetu, qa minin ṭapi.

Lukas 1:48

Taokiye kuya un kin ekta ahimatonwan on etanhan inyun, detanhan wicoicage kin owasin yawaśtepi emakiyapi kta ce.

Lukas 1:50

Tona kokipapi kin hena wicoicage qa wicoicage kin onśiwicakida ece.

Ephesos 3:20

Tuwe nine waśagya econ okihi, unkiś unkidapi qa awauncinpi kin isanpa, wowaśake kin on oniciḣanyanpi kin he eciyatanhan;

Wayuotanin 15:4

Itancan, tuwe konicipe kte śni, qa nicaje kin inidowan kte śni he; niśnana oniowotanna; qa oyate hiyeye cin owasin upi, qa nitokam canpeśka makehde enajin kta; woyaco nitawa kin wanna tanin kin heon etanhan.

Wayuotanin 4:8

Qa taku ni un topa kin otoiyohi ḣupahu śakpekpe yuhapi, qa ihdukśan, qa mahen tanhan iśta ojupidan; qa anpetu hanyetu ko ayaśtan śni hecen eyapi, Wakan, Wakan, Wakan, Itancan Wakantanka Iyotan waśaka, tuwe un, qa un qon, u kte cin hee ce.