Lukas 1:27 - Dakota Wowapi Wakan Kin

²⁷ Wikośka wan wicaśta wan Joseph eciyapi, Dawid wicowazi tawa kin etanhan, yuze kte cin he ekta; unkan wikośka kin Mary eciyapi.

Lukas 1:27 ပူးပေါင်းရင်းမြစ်များ

Mattheos 1:16

Unkan Jakob Joseph, Mary hihnaku kin, he cincaya; he etanhan Jesus Messiya eciyapi kin icaga.

Mattheos 1:18

Unkan Jesus Messiya icage cin he kaketu: Hunku Mary he Joseph yuze kta, tuka hinaḣin kici un śni, wanna Woniya Wakan kin on ihduśaka.

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Lukas 1:28

Unkan ohnihde wakan kin he en hi qa heciya; Wiyuśkin wo, waśteya yaun kin; Itancan kin niciun, winoḣinca owicapeya niye niyawaśtepi ce.