Lukas 1:19 - Dakota Wowapi Wakan Kin

¹⁹ Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.

Lukas 1:19 ပူးပေါင်းရင်းမြစ်များ

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Lukas 1:20

Unkan iho, mioie kin tohan iyehantu kinhan yuecetupi kte cin he wicayada śni kin he on, tohanyan yuecetupi śni kin hehanyan, ie śni, qa ia okitpani yaun kta ce.

Lukas 1:26

Unkan wi iśakpe kin en, Gabriel ohnihde wakan kin Wakantanka etanhan u śipi; Galile ekta, otonwe wan Nazareth eciyapi kin hetu;

Lukas 2:10

Unkan ohnihde wakan kin hewicakiya; Wikopapi śni po; iho, wopida tanka wootanin waśte oyate kin owancaya ecen ye kte cin, he eca hośi cicahipi ce.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Hebrew 4:14

Heon Wawayuśna Itancan tanka wan, Jesus Wakantanka Cinhintku, maḣpiya kin ekta iyaye cin hee unhapi kin heon wounhdakapi kin he sutaya unhduzapi kta.