Johannes 9:7 - Dakota Wowapi Wakan Kin

⁷ Qa heciya; Siloam miniyowe, yeśipi eyapi kin he kapi, he ekta ye c̣a en ihdujaja wo. Unkan ekta i, qa on ihdujaja qa hdi, unkan wawanyaka.

Johannes 9:7 ပူးပေါင်းရင်းမြစ်များ

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Lukas 13:4

Qa is Siloam conkaśke akeśahdogan awicahinḣpaye, c̣a wicakte qon, wicaśta owasin Jerusalem en unpi qon henana iyotan wicoḣan śicapi, kecannipi he.

Lukas 2:32

Ojanjan wan oyate kin aojanjanwicaye kte cin, qa nitaoyate Israel wookitanin kin, he hee ce, eya.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 11:37

Qa wicaśta wanjikji, Wicaśta iśta aohduta ee kaeś yukawa, wicaśta kin de ṭe śni unkiya okihi kta naceca ce, eyapi.

Johannes 9:11

Unkan iye waayupte c̣a heya; Wicaśta wan Jesus eciyapikin he upśija kage c̣a, iśta anokatanhan imiciun, qa, Siloam miniowe kin ekta ye ca, mini on ihdujaja wo, emakiya qehan, ekta wai, qa mihdujaja, unkan watonwan, eya.

Johannes 9:39

Unkan Jesus heya; Oyate kin de ekta wicawahi, wicaśta tone tonwe śni kin hena tonwanpi kta, qa tona tonwe cin hena iśtagongapi kta, he woyaco kin hduha wani ce.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Galatia 4:4

Tuka wanna anpetu iyehantu qehan, Wakantanka iye Cinhintku kin u śi, winoḣinca wan etanhan icage c̣a woope kin oḣdateya kagapi.