Johannes 9:32 - Dakota Wowapi Wakan Kin

³² Otokaheya tanhan tuwe wicaśta tonwe śni tonpi iśta kiyukawa oyakapi kin tuwedan naḣon śni ce.

Johannes 9:32 ပူးပေါင်းရင်းမြစ်များ

Lukas 1:70

Maka kin tokaheya icage cin ehantanhan, wicaśta wokcan wakan tawa ipi kin eciyatanhan, oie kiton kin hena iyecetu:

Johannes 10:21

Tuka apa iś, Tuwe wakan śica yuhe cin decen oieye śni ece; taku wakan śice cin he iśta gongapi iśta wicakiyukawa okihi kta he, eyapi.

Johannes 9:31

Waḣtanipi sa kin hena Wakantanka anawicagoptan śni ece, tuka tuwe Wakantanka yuonihan, qa tawacin okicipe cin, hee Wakantanka anakigoptan e sdonunyanpi.

Johannes 9:33

Wicaśta kin de Wakantanka eciyatanhan śni unkanś takudan okihi kte śni ce, eya.

Wayuotanin 16:18

Unkan iho wicaho taninpi, qa wakinyan hotonpi, qa wakanhdi tanin, qa maka śkanśkan wan tanka, wicaśta kin maka akan iwicacage cin ehantanhan maka śkanśkan iyecen tanka wanica.