Johannes 9:16 - Dakota Wowapi Wakan Kin

¹⁶ Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.

Johannes 9:16 ပူးပေါင်းရင်းမြစ်များ

Mattheos 12:10

Unkan iho, wicaśta wan nape śnija hen un; unkan wiwangapi qa heciyapi; Anpetu wakan icunhan waasniyapi kta iyececa he; he iyaonpapi kta e heyapi.

Mattheos 12:2

Unkan Pharisee kin he wanyakapi hehan heciyapi; Wanyaka wo, waonspewicayakiye cin, anpetu wakan icunhan taku econpi kte śni ece kin, hee econpi.

Lukas 13:14

Unkan anpetu wakan icunhan Jesus waasniyan kin on etanhan omniciye tipi idake cin he canteptanyan; hecen waayupte, c̣a oyate kin hewicakiya; Wicaśta kin ḣtanipi kte cin anpetu śakpe yukan ce; hecen anpetu kin hena en u po, qa asniniyanpi kta ce; tuka anpetu wakan icunhan upi śni po, eya.

Johannes 10:19

Akeś wicoie kin dona on Juda oyate kin akipam tawacinpi.

Johannes 14:11

Atewaye cin he wecica qa Atewaye cin he micica he wicamada po; qa iś wicoḣan kin he na e on wicamada po.

Johannes 15:24

Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 5:10

Heon etanhan Juda oyate kin wicaśta asniyanpi qon heciyapi; Nakaha anpetu wakan; owinja yec̣in kin he hecetu śni ce.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 6:52

Wicaśta kin de iye ceḣpi etanhan unqupi qa untapi kta heye cin, he token okihi kta e heya he, Juda oyate iyakitedan eya hdokinicapi.

Johannes 7:12

Qa oyate kin iapi ota on aiepi. Apa, He wicaśta waśte ce, eyapi: qa toktokeca iś, Hiya, oyate kin wicahnayan ce, eyapi.

Johannes 7:23

Hecen anpetu wakan eca wicaśta wan bakiciḣdayapi hecinhan, on Moses woope kage ciqon yujujupi kte śni; wicaśta wan anpetu wakan en ocowasin okiziwaye cin heon cantamayahdepi he.

Johannes 7:43

Hetanhan oyate kin akipam wacinkiyuzapi.

Johannes 9:24

Hehan ake icinonpa wicaśta iśtagonge ciqon ho wiwangapi qa heciyapi; Wakantanka woyatan qu wo; wicaśta kin he waḣtani sa sdonunyanpi ce.

Olianyanpi kin 14:4

Tuka otonwe kin oyate kin akipam iyeyapi; apa Juda wicaśta kin om tipidan, qa apa iś yewicaśipi kin hena owicapapi.