Johannes 8:6 - Dakota Wowapi Wakan Kin

⁶ Taku iyaonpapi kte cin he akitapi e heon etanhan he iyutanyan heciyapi. Tuka Jesus patuś inajin, qa nape on maka kin en owa.

Johannes 8:6 ပူးပေါင်းရင်းမြစ်များ

Mattheos 10:16

Iho, taḣinca wanunyanpi śunktokeca wicehna iyecen yeciśipi; heon etanhan wamduśka iyecen ksapa po, qa wakiyedan iyecen waḣbapidan po.

Mattheos 15:23

Tuka iye oie wanjidan ayupte śni. Unkan waonspewicakiye cin en hipi, cekiyapi qa heyapi; Hdeśi wo, unkihakam śicahowaya ece.

Mattheos 16:1

Unkan Pharisee qa Sadukee etanhan en hipi, qa maḣpiya eciyatanhan wowapetokeca wan wicakiyutanin śipi, iyutanyanpi kta.

Mattheos 19:3

Pharisee kin iś nakun en hipi, qa iyutanyanpi kta heciyapi; Taku owasin on wicaśta tawicu eḣpekiye kta iyececa he.

Mattheos 22:18

Unkan Jesus taku śica en wicaun kin he sdonya qa heya; Wananic̣iḣmanpi, tokeca iyutanmayayapi he:

Mattheos 22:35

Qa etanhan wanji woope aiekiyapi kin heca wiwange c̣a iyutanyan heciya;

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Markos 10:2

Unkan Pharisee kin en hipi qa wiwangapi, Wicaśta tawicu eḣpeye kta iyececa hecinhan, he iyutanyanpi.

Markos 12:15

Unqupi kta, qa iś unqupi kte śni he. Tuka iye wohnaye hduhapi sdonye c̣a hewicakiya; Tokeca iyutanmayayapi he. Kaśpapidan wanji makau po, wanmdake kta ce.

Markos 3:2

Unkan anpetu wakan icunhan asniye kta hecinhan he iawanyakapi; taku iyaonpapi kta e heon.

Markos 8:11

Unkan Pharisee kin en hipi, qa iyutanyan wiwangapi, qa maḣpiya eciyatanhan wowapetokeca kida.

Lukas 10:25

Unkan inyun, wicoope aiapi kin heca wanji najin hiyaye, c̣a wawiyutanye, c̣a heciya; Waonspekiye cin, token ecamon qa owihanke wanin wiconi ohimic̣iye kta he.

Lukas 11:16

Qa apa toktokeca iś iyutanyanpi kta on maḣpiya eciyatanhan wowapetokeca kidapi.

Johannes 8:2

Qa ihanḣanna anpao hehan tipi wakan kin en ki, unkan oyate kin owasin en ahi; unkan en iyotanke c̣a wowicakiyaka.

I. Korinth 10:9

Qa Messiya iyutan unyanpi kte śni, hena wanjikji iyutan yanpi qon iyececa; unkan wamduśka ihangwicayapi.