Johannes 8:51 - Dakota Wowapi Wakan Kin

⁵¹ Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Johannes 8:51 ပူးပေါင်းရင်းမြစ်များ

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Lukas 2:26

Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 15:20

Wicoie wan eciciyapi qon he yeksuyapi; Ookiye yapi un kin he Itancan yuhe cin kakipe c̣a iyotan tanka śni. Śicaya makuwapi hecinhan, niś oyate kin śicaya nicuwapi kta; qa mioie yuhapi hecinhan, niś nioie kin niciyuhapi kta.

Johannes 17:6

Oyate kin den wicaśta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Johannes 6:50

Maḣpiya eciyatanhan aguyapi hi kin he dee, tuwe etanhan yute cinhan ṭe kte śni.

Johannes 8:12

Hehan ake Jesus owicakiye c̣a heya; Oyate iyoyamwicaye cin he miye. Tuwe mihakam u kin he otpaza ehna mani kte śni, iyoyanpa wiconi hee tawa kta.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Johannes 8:55

Heca eśta tohinni sdonyayapi śni; tuka miye e sdonwakiya. Qa he sdonwaye śni ce, epe cinhan, miś eya niyepi iyecen iwaton kte śni; tuka miye sdonwaya, heon etanhan oie kin tanyan weciyuha.

Hebrew 11:5

Wacinyanpi kin eciyatanhan Henok wiconṭe wanyake kte śni e tokan ayapi, qa tuktedan iyeyapi śni, Wakantanka tokan aye cin heon. Tokan ayapi śni itokam Wakantanka iyokipiye cin he okiyakapi.

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.