Johannes 8:44 - Dakota Wowapi Wakan Kin

⁴⁴ Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Johannes 8:44 ပူးပေါင်းရင်းမြစ်များ

Mattheos 12:34

Wamduśka wicoicage, niśicapi hecen token taku waśte ehapi kta oyakihipi he; wicacante ojudan kin he eciyatanhan wicai kin ia ece.

Mattheos 13:15

Oyate kin de cantepi kin cepa aya, qa nogepi kin kitan se winaḣonpi, qa iśtohmuzapi; hecece śni unkanś, iśta on wanyakapi kta, qa noge on naḣonpi kta, qa cante on iynkcanpi kta, qa ihduhomnipi kta, kinhan asniwicawaye kta tuka.

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Johannes 6:70

Unkan Jesus awicayupte; Akeninonpapi kin miye cicaḣnigapi śni he; tuka wanji wakanśica yaunpi ce, eya.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Johannes 8:38

Taku Ate ekta wamdake cin hena omdaka ece; qa niś niyate ekta taku wandakapi kin hee ecen ecanonpi ece.

Johannes 8:41

Niyatepi oḣan kin hee eoen ecanonpi ece, eya. Hehan heciyapi; Tuwe cinca tanin śni kin heuncapi śni; ate unyanpi wanjidan unhapi, Wakantanka kin hee.

Johannes 8:55

Heca eśta tohinni sdonyayapi śni; tuka miye e sdonwakiya. Qa he sdonwaye śni ce, epe cinhan, miś eya niyepi iyecen iwaton kte śni; tuka miye sdonwaya, heon etanhan oie kin tanyan weciyuha.

Olianyanpi kin 13:10

Qa heya; Taku wohnaye owasin on ojudan, qa wicoḣan śica owasin, Wakan śica cinca niye c̣a, taku owotanna owasin toka yaye cin, Itancan tacanku owotanna kin kaśeyaye cin he aduśtan kte śni he.

Olianyanpi kin 24:9

Unkan Juda wicaśta kin iś waayuptapi qa, Hena hecetu ce, eyapi.

Olianyanpi kin 5:3

Tuka Inyan heciya; Ananias, tokeca e Woniya Wakan kin oiyaton kte śni e Satan nicante kin en ocowasin iyoḣpaya, qa maga iyopeyapi kin apa anayakiḣman he;

II. Korinth 11:3

Tuka he kowakipa, wamduśka wohnaye on Ewe hnaye ciqon he iyecen nitawacinpi kin yuśicapi kta, qa woyuecedan Messiya en un kin etanhan iyaye niyanpi kta naceca.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

I. Johannes 1:8

Woaḣtani unnicapi ce, unkeyapi kinhan, unkic̣ihnayanpi qa wowicake kin unkiyepi en un śni.

I. Johannes 2:21

Wowicake kin sdonyayapi śni kin heon wowapi cicagapi śni; tuka he sdonyayapi, qa woitonśni takudan wowicake kin eciyatanhan u śni, heon etanhan.

I. Johannes 2:4

Tuwe, He sdonwaya ce, eye c̣a tawoahope okicipe śni kin he itonśni, qa wowicake kin en un śni.

I. Johannes 3:12

Qain taku śice cin eciyatanhan un, qa iye sunkaku kikte qon iyecece śni. Unkan taku on kikte he. Iye kin oḣan śica, qa sunkaku kin waśte kin heon etanhan.

I. Johannes 3:15

Tuwe hunkawanjitku śicekidake cin he tinwicakte kin heca; unkan tuwe tinwicakte kin he wiconi owihanke wanica aihduhe śni e sdonyayapi.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:14

Qa tona maka akan unpi kin wicahnayan, wowapetokeca wamanica kin itokam econ kta e qupi qon hena on. Qa tona maka akan unpi kin wamanica maza sagye on capapi tuka kini qon he iyacinpi wan kagapi kta e iwahokonwicakiya.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.

Wayuotanin 22:15

Tuka śunka, qa tona wapiyapi sa, qa wiinaḣmanpi sa, qa wawiciḣaḣapi econpi sa, qa wakagapi ohodapi sa, qa tuwe itonśni waśtedake c̣a econ kin hena tankan yakonpi ece.

Wayuotanin 9:11

Unkan wicaśtayatapi wan yuhapi, wośbe ceteta wanica etanhan ohnihde, Hebrew iapi kin eciyatanhan Abaddon eciyapi, qa Helenes iapi kin eciyatanhan Apoluon eciyapi kin hee.