Johannes 8:32 - Dakota Wowapi Wakan Kin

³² Kinhan wowicake kin sdonyayapi kta; qa wowicake kin he niciyuśkapi kta ce.

Johannes 8:32 ပူးပေါင်းရင်းမြစ်များ

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:17

Woope kin he Moses wicaqu; tuka wicowaśte wowicake ko hena Jesus Messiya eciyatanhan u.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 16:13

Tuka tohan Wowicake Woniya kin he iye hi kinhan, wowicake ocowasin en aniyanpi kta; iye atayedan on ie kte śni, tuka taku naḣon kin hena oyake kta, qa taku tokata ekta hena oniciyakapi kta.

Johannes 17:17

Wowicake nitawa kin he on wicayuwakan wo; nioie kin he wowicake.

Johannes 6:45

Unkan owasin Wakantanka eciyatanhan onspewicakiyapi kta ce, wicaśta wokcan kin en cya owapi qon. Heon tona Ate waonspewicakiye c̣a anagoptanpi kin hena owasin en maupi kta.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Johannes 8:36

Heon Cinhintkuyapi kin niciyuśkapi hecinhan, awicakehan tawanic̣iyapi kta.

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 8:15

Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

I. Korinth 7:22

Tuwe wowidake un kin he Itancan kico kinhan, hee Itancan kin on tawa ic̣iya; qa nakun tuwe tawa ic̣iye cin hecen kicopi kinhan he Messiya wowidake tawa kin hee.

Galatia 5:1

Hecen tawaic̣iyapi kin on Messiya tawaic̣iye unyanpi kin he en ṭinsadan un po, qa ake wowidake yapi wanapin kin on iyaihdaśkapi śni po.

Galatia 5:13

Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.

II. Timotheos 3:7

Ohinniyan waonspeiciciyapi keś wowicake adonyapi kin ehan ipi okihipi śni kin wayaka awicayapi ece.

Jakob 1:25

Tuka tuwe wicoope on tawaic̣iyapi yuśtanpi kin he opaḣta yanke c̣a, en un kinhan, tuwe naḣon qa akiktonje cin heca śni, tuka wicoḣan econ kin heca, hee e taku econ kin en yawaśtepi kta.

Jakob 2:12

Tona woope on tawaic̣iyapi kin on wicayacopi kte cin hena iyecen iapi, qa econ po.

I. Inyan 2:16

Nihduhapi, tuka tawanic̣iyapi kin he wocanniye onḣoḣda iyecen yec̣unpi kte śni, tuka Wakantanka tawowidake kin iyececa.

II. Johannes 1:1

Hunkayapi un kin, Kuria kaḣnigapi qon wowapi kicaga; iye cinca kin, wowicake eciyatanhan waśtewicawadake cin hena om, qa miśnana śni, tuka nakun tona wowicake sdonyapi kin hena owasin;