Johannes 7:4 - Dakota Wowapi Wakan Kin

⁴ Tuwe ihdutanin cin kinhan, taku naḣmana econ śni ece. Dena ecanon kta hecinhan, iho oyate kin en ihdutanin wo.

Johannes 7:4 ပူးပေါင်းရင်းမြစ်များ

Mattheos 23:5

Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Mattheos 4:6

Qa heciya; Wakantanka Cinhintku kin he niye hecinhan, hetanhan kun eḣpeic̣iya wo; kaken wowapi en kagapi ce; Taohnihde kin niye on econ wicaśi kta, hecen nape ohna niyuhapi kta, inyan wan en siha iboniṭo kte śni.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:5

Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Lukas 6:45

Wicaśta waśte kin he cante woyuha waśte kin etanhan taku waśte icaḣya ece; qa wicaśta śice cin he cante woyuha śice cin etanhan taku śice icaḣya ece: wicacante taku iyakic̣uya ohnaka kin he etanhan i kin eciyatanhan enapeya ece, eya.

Johannes 18:20

Jesus ayupte; Oyate kin en taninyan womdaka ece; omniciye tipi etu, qa tipi wakan ko en, Juda oyate mniciyapi ece kin en ohinniyan waonspekiya waun, qa takudan anaḣbeyahan epe śni ce.

Johannes 7:3

Heon etanhan iye sunkawicaye cin heciyapi; Detanhan ya wo, qa Juda makoce kin en un wo, hecen waonspewicayakiye cin nioḣan ecanon ece kin hena wanyakapi kta.

Johannes 7:5

Sunkawicaye cin iyepi nakun wicadapi śni.