Johannes 7:39 - Dakota Wowapi Wakan Kin

³⁹ Tuka Woniya, tona iye wacinyanpi kin icupi kte cin hee on hecen eya: he ehan nahaḣin Woniya Wakan kin wicaqupi śni, nahaḣin Jesus wowitan ehan i śni.

Johannes 7:39 ပူးပေါင်းရင်းမြစ်များ

Mattheos 16:14

Unkan heyapi; Apa Johannes baptem wicaqu qon; qa apa iś; Elias; qa toktokeca; Jeramias, qa iś wicaśta wokcan wanji.

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Lukas 24:49

Unkan iho, Ate taku iwahowicaye ciqon he niyepi kin en uwakiye kta; tuka tohanyan wankantanhan wowaśake yuheniciyapi śni kin hehanyan Jerusalem otonwe kin en ece yukan po.

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Johannes 1:21

Unkan wiwangapi; Nituwe he; Eliyas he niye he. Unkan, He miye śni ce, eya. Wicaśta wokcan kin he niye he, eciyapi. Tuka, Hiya, eya.

Johannes 1:25

Unkan wiwangapi qa heciyapi; Hecen tokeca e baptem wicayaqu he; Messiya he niye śni, qa Eliyas he niye śni, qa wicaśta wokcan kin he niye śni hecinhan.

Johannes 1:33

Unkan he tuwe kin sdonwaye śni, tuka mini on baptem wicaqu maśi qon he omakiyaka; Tohan maḣpiya kin eciyatanhan Woniya kin kuntkiya ye c̣a, tuwe iyahde wandake cinhan he iye Woniya Wakan on baptem wicaqu kta.

Johannes 12:16

Dena taku kin tokaheya waonspewicakiye cin okaḣnigapi śni; tuka Jesus yutanpi hehan hena hecen wowapi en kagapi qon, qa nakun hena ecen ecaki conpi kin, hehan kiksuyapi.

Johannes 12:23

Unkan Jesus awicayupte c̣a heya; Anpetu wan en Wicaśtra Cinhintku kin yutanpi kte cin wanna hiyohi.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 14:26

Tuka Wicakicanpte, Woniya Wakan kin hee, Atewaye cin micaje on uśi kte cin he, taku owasin onspeniciyapi kta, qa taku eciciyapi kin owasin kiksuyeniciyapi kta.

Johannes 16:14

Mayutan kte cin hee, taku mitawa kin hena icu, qa oniciyakapi kta.

Johannes 16:7

Tuka wowicake ece ociciyakapi; wahde cinhan heon tanyan yaunpi kta, qa wahde śni kinhan Wicakicanpte kin en nihipi kte śni; tuka wahde cinhan niyepi ekta uwaśi kta.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 20:22

Hecen eye c̣a hehan awicaniya qa, Woniya Wakan icu po, ewicakiya.

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 7:12

Qa oyate kin iapi ota on aiepi. Apa, He wicaśta waśte ce, eyapi: qa toktokeca iś, Hiya, oyate kin wicahnayan ce, eyapi.

Johannes 8:54

Unkan Jesus waayupte; Miye cinka mihduonihan kinhan, mitowitan kin he taku kte śni; tuka Atewaye cin he mahduonihan ece; unkan he Wakantanka nitawapi, kehapi.

Olianyanpi kin 19:2

Qa hewicakiya, Wicayadapi ehantanhan Woniya Wakan kin iyacupi he. Unkan iś, Woniya Wakan yukan e nahaḣin naunḣonpi; śni ce, eyapi.

Olianyanpi kin 2:17

Unkan anpetu ihankeya kin en, (Wakantanka eya,) mitaniya kin wicaceḣpi owasin awicawakaśtan kta; unkan nicinkśipi nicunkśipi ko wokcanpi kta, qa kośka nitawapi kin wowanyake kin wanyakapi kta, qa wicaḣinca nitawapi kin wowihamde ihamnanpi kta ce.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 2:4

Unkan owasin Woniya Wakan kin on ojupidan qa wicaceji toktokeca on iapi, Woniya Wakan ie wicakiye cin he iyecen.

Olianyanpi kin 3:13

Abraham, qa Isaak, qa Jakob Wakantanka tawapi; hunkake wicunyanpi Wakantanka tawapi kin he Cinhintku Jesus wanna hdutan; he niyepi e wicayaqupi, qa Pilate itokam yakipajinpi, he iye kiyuśke kte ḣinca tuka.

Olianyanpi kin 4:31

Unkan wocekiye eyapi, hehan tukten witaya yukanpi kin he yuhuhuzapi, qa owasin Woniya Wakan kin on ojupidan, qa Wakantanka oie kin waditagya oyakapi.

Roma 8:9

Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,

II. Korinth 3:8

Hecen Woniya wawokiyapi kin he sam iyeya nina wowitan kte śni he.

Ephesos 4:30

Qa Wakantanka Taniya Wakan kin iypkiśinyapi śni po; he on wopekitonpi anpetu kin aiyahdeya askam niyanpi.