Johannes 7:34 - Dakota Wowapi Wakan Kin

³⁴ Omayadepi kta, tuka iyemayayapi kte śni; qa tokiya waun kin ekta yaupi kta eśta, oyakitpanipi kta.

Johannes 7:34 ပူးပေါင်းရင်းမြစ်များ

Mattheos 23:39

Qa heciciyapi; Detanhan tohanyan, Tuwe Itancan caje yuha u kin he yawaśtepi nunwe, ehapi śni, hehanyan wanmayadakapi kte śni.

Johannes 14:3

Ekta mde c̣a oyanke ciciyuśtanpi kinhan, hehan ake wau qa acihdapi kta; hecen miś waun kin he en niś nakun yaunpi kta.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 7:36

Omayadepi kta tuka iyemayayapi kte śni, qa tokiya waun in ekta yaupi kta eśta, oyakitpanipi kta ce, eye cin wicoie kin he toketu he eyapi.