Johannes 7:31 - Dakota Wowapi Wakan Kin

³¹ Unkan oyate kin etanhan wicota he iye kin wicadapi qa heyapi; Tohan Messiya hi kinhan, de taku wapetogya econ kin, he sam iyeya hecon kta he, eyapi.

Johannes 7:31 ပူးပေါင်းရင်းမြစ်များ

Mattheos 12:23

Unkan wicaśta ota kin owasin yuśinyayapi qa heyapi; Dawid cinhintku kin he dee śni he.

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Johannes 11:45

Hehan Juda wicaśta Mary kici ipi qon, hena Jesus taku econ kin he wanyakapi, unkan wicota wicadapi.

Johannes 12:11

Hee nakun on Juda oyate ota hduḣeyapapi, qa Jesus wicadapi.

Johannes 12:42

Hececa tuka itancanpi etanhan wicota wicadapi; tuka Pharisee kin hena on etanhan yaotaninpi śni, omniciye tipi kin etanhan tankan iyewicayapi kta ikopapi heon.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 4:29

Wicaśta wan taku ecamon qon owasin omiciyake cin he ito wanyagu miye. He Messiya kin ee śni he.

Johannes 4:39

Winoḣinca kin, Token ecamon qon owasin omiciyaka ce, eye ciqon heon wicaśta Samariya oyate otonwe kin he en ota Messiya hee kin wicadapi.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Johannes 7:26

Unkan iho, kagi śni ia tuka tuwedan taku eciye śni. Wicaśta itancanpi kin awicakehan Messiya kin he dee e sdonyapi he.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.

Olianyanpi kin 8:13

Qa Simon iś eya wicada, qa baptem qupi; hehan Philip kici un, qa wowakta taku wapetokeca tanka ko wanyake cin heon yuśinyaya.

Jakob 2:26

Wicatancan kin woniya codan un kin he ṭa ece, he iyecen wacinyanpi kin wicoḣan codan kinhan, he nakun ṭa ece.