Johannes 7:3 - Dakota Wowapi Wakan Kin

³ Heon etanhan iye sunkawicaye cin heciyapi; Detanhan ya wo, qa Juda makoce kin en un wo, hecen waonspewicayakiye cin nioḣan ecanon ece kin hena wanyakapi kta.

Johannes 7:3 ပူးပေါင်းရင်းမြစ်များ

Mattheos 12:46

Unkan oyate kin hecen wowicakiyaka icunhan, iho, iye hunku qa hunkawanjitku kin tankan hinajinpi qa okiyapi kta cinpi.

Markos 3:21

Unkan iye iakuwicaye cin he naḣonpi qehan, yuzapi kta e ekta iyayapi; qa, Wanna wacinhnuni ce, eyapi.

Markos 3:31

Unkan hehan iye hunkawanjitkupi qa hunku kin hena en hipi, tankan hinajinpi, wahoyapi qa kicopi.

Lukas 8:19

Hehan hunku qa hunkawanjitku kin hena en hipi, qa wicota kin on ikiyedan upi kta okihipi śni.

Lukas 8:20

Unkan okiyakapi qa heyapi; Nihun qa nihunkawanji tankan najinpi, qa wannihdake kta cinpi ce.

Johannes 2:2

Jesus nakun waonspewicakiye cin om kiciyuzapi kin en kicopi.

Johannes 6:60

Heon etanhan waonspewicakiye cin ota he naḣonpi qehan, Wicoie kin de teḣika ce, tuwe e naḣon okihi kta he, eyapi.

Johannes 6:66

Hecetu, unkan heon waonspewicakiye cin ota ayuśtanpi, qa icimana ihakam yapi śni.

Johannes 7:10

Tuka sunkaku iyayapi kin iyohakam hehan, iś wośnapi kte cin ekta ya, taninyan ye śni, tuka naḣmana ya.

Johannes 7:4

Tuwe ihdutanin cin kinhan, taku naḣmana econ śni ece. Dena ecanon kta hecinhan, iho oyate kin en ihdutanin wo.

Johannes 7:5

Sunkawicaye cin iyepi nakun wicadapi śni.

Olianyanpi kin 2:14

Tuka Inyan ake wanjipidan kin om najin, ho yuwankan icu, qa hewicakiya; Juda wicaśta, tona Jerusalem en dukanpi ko, owasin he de sdonyapi, qa mioie kin anagoptan po.