Johannes 7:17 - Dakota Wowapi Wakan Kin

¹⁷ Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Johannes 7:17 ပူးပေါင်းရင်းမြစ်များ

Mattheos 6:22

Wiciśta kin he wicatancan iyoyanpa kin hee; heon etanhan niiśta tokeca śni kinhan nitancan ocowasin iyoyanpa kta:

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Johannes 3:21

Tuka tuwe wowicake eciyatanhan oḣanye cin he iyoyanpa kin en u, oḣan yuotaninpi kta, Wakantanka eciyatanhan oḣanye cin heon.

Johannes 8:43

He tokeca e iwae cin eyakaḣnigapi śni he; mioie kin anagoptan wacannipi śni kin heon etanhan.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Johannes 8:47

Tuwe Wakantanka etanhan kin he Wakantanka oie anagoptan. Niye Wakantanka anayagoptanpi śni ece, heon etanhan henitanhanpi śni.

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.