Johannes 7:12 - Dakota Wowapi Wakan Kin

¹² Qa oyate kin iapi ota on aiepi. Apa, He wicaśta waśte ce, eyapi: qa toktokeca iś, Hiya, oyate kin wicahnayan ce, eyapi.

Johannes 7:12 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 21:46

Qa heon yuze wacinpi, tuka oyate kin kowicakipapi; owasin wicaśta wokcan heca kecinpi.

Mattheos 27:63

Qa heyapi; Itancan, wicahnaye sa kin de ni un qehan, Anpetu yamni hehan wakini kta ce, eya keyapi, he unkiksuyapi.

Lukas 18:19

Unkan Jesus heciya; Tokeca e waśte emayakiya he; tuwedan waśte śni; Wakantanka hecedan waśte.

Lukas 23:47

Unkan akicita opawinge wicayuhe cin he token econpi qon he wanyake c̣ehan, Wakantanka yaonihan, qa heya; Awicakehan wicaśta owotanna he de heca ce.

Lukas 23:50

Unkan iho, wicaśta wan Joseph eciyapi, wahokonwicakiya ece kin heca, wicaśta waśte qa owotanna;

Lukas 6:45

Wicaśta waśte kin he cante woyuha waśte kin etanhan taku waśte icaḣya ece; qa wicaśta śice cin he cante woyuha śice cin etanhan taku śice icaḣya ece: wicacante taku iyakic̣uya ohnaka kin he etanhan i kin eciyatanhan enapeya ece, eya.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 7:32

Oyate kin iyakitedan hekiciyapi he Pharisee kin naḣonpi; unkan wośna kagapi Pharisee ko, yuzapi kta e on akicita ekta ye wicaśpi.

Johannes 7:47

Hehan Pharisee kin iś awicayuptapi, Niś nakun nihnayanpi he.

Johannes 7:52

Unkan ayuptapi qa heciyapi; Niś Galile henitanhan he: Wawiwange c̣a wanyaka wo; wicaśta wokcan tuwedan Galile etanhan u śni ce.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.

Olianyanpi kin 11:24

He wicaśta waśte, qa Woniya Wakan wacinyanpi ko on ojudan. Unkan wicota Itancan kin opapi.

Roma 5:7

Tuwedan wicaśta owotanna kin on ṭe kte śni naceca; tuka okinni wicaśta waśte on tuwe ṭe kta tawaṭenye kta nace.

Philippi 2:14

Wihnupi qa waakinicapi wanin taku owasin econ po.