Johannes 5:44 - Dakota Wowapi Wakan Kin

⁴⁴ Niye iyakitedan nitawootaninpi kin ayecitapi, qa Wakantanka eciyatanhan wootanin kin ayakitapi śni, he token on wicayadapi kta he.

Johannes 5:44 ပူးပေါင်းရင်းမြစ်များ

Mattheos 23:5

Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Lukas 19:17

Unkan heciya; Han, ookiye niwaśte; taku tonana on wacinyepica yaun, heon etanhan ito otonwe wikcemna idaka wo.

Johannes 12:43

Wicaśta akantu yaonihanpi kin he iyotan dapi, qa Wakantanka wicayaonihan kin he iś iyotan dapi śni.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 3:20

Tuwe taku śica econ kin he iyoyanpa śice daka, qa iyoyanpa ikiyedan u śni, oḣan iyopeyapi kto cin heon.

Johannes 5:41

Wicaśta ekta mitawootanin kin awecite śni.

Johannes 8:43

He tokeca e iwae cin eyakaḣnigapi śni he; mioie kin anagoptan wacannipi śni kin heon etanhan.

Roma 2:10

Tuka wowitan, woyuonihan, wookiye ko, tona waśteya oḣanye cin hena kiciun kta, Juda wicaśta kin he tokaheya, qa hehan Helenes hee kta.

Roma 2:29

Tuka tuwe mahen tanhan hecece cin he Juda wicaśta kin hee, qa bakiḣdayapi kin he oowa kin en he śni, tuka wicanagi kin en un kin hee; he wowitan kin wicaśta akantu eciyatanhan śni, tuka Wakantanka eciyatanhan un.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

II. Korinth 10:18

Tuwe ihdaonihan kin he ecetudakapi kin ee śni, tuka Itancan kin tuwe yaonihan kin hee kta.

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

I. Thessalonike 2:6

Qa wicaśta kin etanhan wowitan unkakitapi śni, niyepi, qa wicaśta tokeca nakun etanhan śni, Messiya yewicaśi kin iyecen waeconwicunkiyapi kta iyececa tuka.

I. Timotheos 1:17

Hecen Wicaśtayatapi owihanke wanica, ṭepica śni, qa wanyakepica śni un kin, Taku Wakan ecedan ksape cin hee, woyuonihan, wowitan ko, owihanke wanin kicihan nunwe.

Hebrew 3:12

Mihunkawanji, wakta po, okinni cante wicada śni, qa śice cin en niunpi, on Wakantanka ni un kin aduśtanpi kta.

Jakob 2:1

Mihunkawanji, Jesus Messiya, wowitan Itancan wacinyanpi kin, on wicaśta iwandakapi kte cin he yuhapi śni po.

I. Inyan 1:7

Hecen wacinyayapi iyutanpi kin, he mazaskazi peta ece on śdoyapi keś atakuni śni ece, sam iyeya nina teḣike cin he woyaonihan, wicakinihanpi qa wowitan on tanin kta, tohan Jesus Messiya ihdutanin kinhan.

Judas 1:25

Wakantanka ecedan ksapa, Wanikiya unkitawapi kin hee, Jesus Messiya Itancan unyanpi kin eciyatanhan, wowitan, woyaonihan, wookihi qa wokiconze, dehantu qa wicoicage owasin hehanyan, tawa nunwe. Amen.