Johannes 5:30 - Dakota Wowapi Wakan Kin

³⁰ Miye cinka taku ecamon owakitpani; taku mdaco kin hena taku nawaḣon kin heoiya tanhan; qa taku mdaco kin hena hecetu. Miye mitawacin he owakide śni, tuwe u maśi kin he tawacin owade.

Johannes 5:30 ပူးပေါင်းရင်းမြစ်များ

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Johannes 14:10

Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

Johannes 17:4

Maka kin akan ciyutan; qa wicokicanye mayaqu qon wanna owasin wahduśtan.

Johannes 18:11

Hehan Jesus Inyan heciya; Mazasagye nitawa ojuha en iyekiya wo. Wiyatke Ate maqu kin he mdatke kte śni he.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 5:19

Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 8:28

Hehan Jesus hewicakiya; Tohan Wicaśta Cinhintku kin wankan eyahdepi kinhan, hehan he miye kin śdonyayapi kta, qa miye cinka takudan ecamon śni; tuka Ate taku onspemakiye cin hena ecedan ecen omdaka ece.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

Johannes 8:50

Miye mitowitan awecite śni; tuka tuwe waakite c̣a wayaco yukan ce.

Roma 15:3

Messiya iye kaeś iyokipi ic̣iye śni, tuka wowapi en kagapi qon iyecen, Tona aniiapi kin waaiapi kin he miye aiḣpemayanpi qon.

Roma 2:2

Tona wicoḣan hecen econpi kin hena Wakantanka wowicake eciyatanhan wicayaco kin he sdonunyanpi.

Roma 2:5

Tuka cante niteḣika, qa nihduecetu śni kin eciyatanhan, wocanniye anpetu, qa Wakantanka owotanna wicayaco kin yutaninpi iyehantu kte cin en, wocantiyahde amnayaya he.