Johannes 5:3 - Dakota Wowapi Wakan Kin

³ Hena ohna wicaśta wayazanka ota, huśte, iśta gonga, ṭaṭaka ko ota en raakan hiyeya, mini śkanśkan ape hiyeya.

Johannes 5:3 ပူးပေါင်းရင်းမြစ်များ

Mattheos 15:30

Unkan wicaśta ota en hipi, tona huśtepi, iśtagongapi, ia okitpanipi, hu bawicaksapi, qa toktokeca ota en awicahipi, qa Jesus siha kin en ewicahnakapi; unkan asniwicaya.

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Lukas 7:22

Henan Jesus waayupte c̣a hewicakiya; Hda po, qa taku wandakapi qa nayaḣonpi kin hena Johannes okiyaka po: Iśtagongapi kin hena tonwanpi, qa huśtepi kin iś manipi, qa lepros ececapi kin iś wicayuskapi, qa nogetpapi kin is wanaḣonpi, qa ṭapi kin iś kiniwicakiyapi, qa waḣpanicapi kin iś wootanin waśte kin he owicakiyakapi.

Johannes 5:2

Jerusalem en taḣinca wanunyanpi tiyopa kin he en ikiyadan, mini kiwitayapi, Hebrew iapi Bethesda eciyapi, zaptankiya aohanziya hdepi.

Johannes 5:4

Tohan iyehantu eca, maḣpiya ohnihde wan mini kin en hi qa śkanśkanya ece. Tokiya yazan kin owasin tohan mini in he śkanśkan eca tuwe tokaheya en iyoḣpeic̣iya eca asni ece.

Roma 8:25

Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.

Jakob 5:7

Heon etanhan, mihunkawanji, Itancan kin hi kte cin hehanyan wacintanka po. Wanyaka po, wicaśta woju ece kin he maka waskuyeca waśte aicage cin hena ape yanke c̣a, on tehan wacintanka, magaju tokaheya qa nakun ehake kin ahinhe kte cin hehanyan.