Johannes 5:26 - Dakota Wowapi Wakan Kin

²⁶ Ateyapi kin iye cinka wiconi hduha, he etanhan Cinhintku kin iś iye cinka wiconi hduhe kta e qu.

Johannes 5:26 ပူးပေါင်းရင်းမြစ်များ

Johannes 1:4

Iye kin en wiconi; qa wiconi kin he wicaśta iyoyamwicaye cin hee.

Johannes 10:18

Tuwedan he maki kte śni; qa miye cinka he wicawaqu; he amduśtan kte cin owakihi, qa ewehdaku kte cin nakun owakihi; Ate hecen econ maśi ce, eya.

Johannes 11:25

Unkan Jesus heciya; Woekicetu qa wiconi kin he miye, tuwe wicamada kinhan toke ḣin ṭa eśta ni kta.

Johannes 11:26

Qa tuwe ni un, qa wicamada kinhan icimana ṭe kte śni. He wicayada he.

Johannes 14:19

Wanna ptenyedan kinhan oyate wanmayakapi kte śni, tuka niye wanmayadakapi kta wani waun, qa niś yani yaunpi kte cin heon.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Olianyanpi kin 17:25

Qa iye kin owasin wiconi, qa woniya, qa taku owasin ko wicaqu ece kin, he taku icakije eia iyecen, wicaśta nape kin on okiyapi śni ece.

I. Korinth 15:45

Kaken wowapi en kagapi qon, Adam wicaśta tokaheya kin he wicanagi ni un kin heca kagapi, qa Adam ehake un kin he Woniya Wanikiye cin hee.

I. Timotheos 1:17

Hecen Wicaśtayatapi owihanke wanica, ṭepica śni, qa wanyakepica śni un kin, Taku Wakan ecedan ksape cin hee, woyuonihan, wowitan ko, owihanke wanin kicihan nunwe.

I. Timotheos 6:16

He isnana wiconi hduhe c̣a, iyoyanpa en hiyohipica śni kin he en ounyan, wicaśta kin tuwedan he wanyake śni, qa nakun wanyaka okihi kte śni; he wowitan, qa wowaśake owihanke wanin kiciun nunwe.

Hebrew 1:2

He on woicage kin owasin kage c̣a, he taku owasin tawaye kta e ehde:

Wayuotanin 21:6

Qa ake kaken emakiya, Wanna henakeca. Alpha qa Omega, otokahe qa owihanke kin he miye ce. Tuwe ipuza kinhan he wiconi mini ḣdoka kin etanhan iyunwin codan yatke wakiye kta.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.

Wayuotanin 22:17

Unkan Woniya kin tawicuyapi kin kici, Kuwa, eyapi. Qa tuwe naḣon kinhan he, Kuwa, eye kta. Qa tuwe ipuza kinhan, he u kta. Qa tuwe cin kinhan he iyunwin codan wiconi mini kin etanhan icu nunwe.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.