Johannes 5:25 - Dakota Wowapi Wakan Kin

²⁵ Wowicake, wowicake eciyatanhan heciciyapi, Anpetu wan u qon wanna hi, wicaśta ṭa tona Wakantanka Cinhintku ho kin naḣon kta; qa tona naḣon kinhan hena ni kta.

Johannes 5:25 ပူးပေါင်းရင်းမြစ်များ

Lukas 15:24

Micinkśi kin de ṭa, tuka kini; tanin śni, tuka iyeyapi ce, eya. Unkan hinnakaha wiyuśkinpi.

Lukas 15:32

Nisunka kin de ṭa, unkan kini; tanin śni, unkan iyeyapi kin, on etanhan ito cante unwaśtepi, qa unkiyuśkinpi kte cin he hecetu ce.

Lukas 9:60

Jesus heciya; Tona ṭapi kin ta wicayuhapi kin hena ito wicakiḣapi kta; tuka niye qe ye c̣a Wakantanka tokiconze kin he oyaka wo.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 4:21

Unkan Jesus heciya; Winoḣinca, wicamada wo, anpetu wan u ce, paha kin de en, qa Jerusalem nakun en, Ateyapi kin ohoyadapi kte śni.

Johannes 4:23

Tuka anpetu u kin he wanna hiyohi, tona wowicake eciyatanhan ohodapi kin hena woksape wowicake eciyatanhan Ateyapi kin ohodapi kta. Ateyapi kin he tona hecen ohodapi kte cin akita ece.

Johannes 5:21

Ateyapi kin tuwe ṭa keś niye c̣a wiconi wicaqu ece; he iyecen Cinḥintku kin iś tona cin kinhan wiconi wicaqu ece.

Johannes 5:28

Ihnuhan hena ininihanpi kin do; anpetu wan hi kta ce, wicaśta wicaḣapi kin owasin iye ho kin naḣonpi kta;

Johannes 6:60

Heon etanhan waonspewicakiye cin ota he naḣonpi qehan, Wicoie kin de teḣika ce, tuwe e naḣon okihi kta he, eyapi.

Johannes 8:43

He tokeca e iwae cin eyakaḣnigapi śni he; mioie kin anagoptan wacannipi śni kin heon etanhan.

Johannes 8:47

Tuwe Wakantanka etanhan kin he Wakantanka oie anagoptan. Niye Wakantanka anayagoptanpi śni ece, heon etanhan henitanhanpi śni.

Johannes 9:27

Unkan awicayupte; Wanna eya keś ociciyakapi, tuka nayaḣonpi śni; ake icinonpa nayaḣonpi yacinpi he; niś eya waonspewicakiye cin hen ope nihdawapi kta he, eya.

Roma 6:4

Heon etanhan baptem eciyatanhan he kici unhnakapi, wiconṭe kin en, hecen iye Atkuku towitan kin Messiya wicaṭe cin etanhan ekicetu ye ciqon he iyecen unkiś eya wiconi teca kin en maunnipi kta.

Ephesos 2:1

Unkan niś niyepi kin woaḣtani wicoḣan śica ko en niṭapi:

Ephesos 2:5

Unkiye wicoḣan śica ehna unṭapi qehan, Messiya kici niunkiyapi; wowaonśida on wiconi duhapi ece;

Ephesos 5:14

Heua etanhan kaken eya; Tuwe iśtinbe cin kikta, qa wiconṭe etanhan najin wo, Messiya iyoyamniye kta ce.

Kolosse 2:13

Qa niyepi ehanna wayaḣtanipi, qa niceḣpi baniciḣdayapi śni kin en niṭapi qon, wanna wayaḣtanipi kin owasin nicicajujupi qa niniyanpi.

Wayuotanin 3:1

Unkan Sardis ekta okodakiciye ohnihde yuhapi kin he ecen wowapi kicaga wo; Tuwe Wakantanka Taniya śakowin kin hena, qa wicanḣpi śakowin hduhe cin he hecen eya; Nioḣan kin sdonwaya, caje wan duha, yani kin hee, tuka niṭa.