Johannes 5:23 - Dakota Wowapi Wakan Kin

²³ Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Johannes 5:23 ပူးပေါင်းရင်းမြစ်များ

Mattheos 10:37

Tuwe miye isanpa atkuku qa iś hunku kin waśtekidake cinhan, he mici un kta iyecece śni; qa tuwe miye isanpa cinhintku qa iś cunwintku kin waśtekidake cinhan, he mici un kta iyecece śni:

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 12:21

Qa iye caje kin Ikcewicaśta wacinyanpi kta.

Mattheos 15:8

Oyate kin de i on mikiyedan upi, qa iha on mayaonihanpi; tuka cantepi kin hena mitehan unpi ece.

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Lukas 10:16

Tuwe ananigoptanpi kin, he miye e anamagoptan; qa tuwe waḣtenidapi śni kin, he miye e waḣtemada śni; qa miś tuwe waḣtemada śni kin, he umaśi kin hee waḣteda śni ece, eya.

Johannes 14:1

Ihnuhan eante niśicapi kinhan; Wakantanka wicayadapi, qa miś nakun wicamayadapi.

Johannes 16:14

Mayutan kte cin hee, taku mitawa kin hena icu, qa oniciyakapi kta.

Johannes 17:10

Taku mitawa kin hena owasin nitawa, qa niś taku nitawa kin hena mitawa, qa hena on wowitan waun.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 15:12

Ake Isaya hecen eya, Jesse hutkan wanjidan qa tuwe Ikcewicaśta en wicaśtayatapi un kte cin he icage kta; he Ikcewicaśta kin wacinyanpi kta.

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 8:9

Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,

I. Korinth 1:3

Wowaonśida, wookiye ko, Wakantanka Ateunyanpi, qa Jesus Messiya Itancan kin etanhan niyepi en nicipi un nunwe.

I. Korinth 10:31

Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

I. Korinth 16:22

Tuwe Jesus Messiya Itancan kin waśtedake śni kinhan, he anathema maran-atha un nunwe.

I. Korinth 6:19

Tokeca, nitancanpi kin hena Woniya Wakan Wakantanka nic̣upi, qa niyepi en un kin he tipi tawa kin hee, qa hecen tawa nihdawapi śni e sdonyayapi śni he.

II. Korinth 1:9

Tuka unkiyepi kin mahen wiconṭe woyaco kin unhapi, hecen takudan wacinunkic̣iyapi kte śni, tuka Wakantanka wicaṭe cin ekicetu wicaye cin he wacinunyanpi kta:

II. Korinth 5:14

Messiya wacantkiye cin he iyounpaśtakapi ece.

II. Korinth 5:19

Hecen Wakantanka Messiya on, wicoicage kin, iye kici, okiciciye wicaye c̣a, waḣtanipi kin wicakiciyawa śni; qa wookiye wicoie kin he yuhe unkiyapi.

Ephesos 6:24

Tona awicakehan Jesus Messiya Itancan unkiyapi waśte dakapi kin hena owasin en, wowaonśida wicakici un nunwe. Amen.

II. Timotheos 1:12

Qa he etanhan hena taku on iyotanhan iyewakiya; tuka imaśtece śni. Tuwe wacinwakiye cin he sdonwakiye c̣a, taku ehnake waśi kin hena anpetu wan u kte cin hehanyan miciyuha okihi sdonwaya.

Hebrew 1:6

Unkan, tokapa kin he wicoicage kin ekta hiyuye c̣ehan hecen eya, Wakantanka ohnihde wicaye cin owasin he itokam canpeśka makehde enajin kta ce.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.

I. Johannes 2:23

Tuwe Cinhintkuyapi kin wicada śni kin he Ateyapi kin yuhe śni: tuka tuwe Cinhintkuyapi kin oyake cinhan, he Ateyapi kin nakun yuha ece.

II. Johannes 1:9

Tuwe waḣtani qa Messiya tawoonspe kin en un śni kin he Wakantanka yuhe śni. Tuwe Messiya tawoonspe kin en un kin he Ateyapi kin yuhe c̣a nakun Cinhintku kin.