Johannes 5:20 - Dakota Wowapi Wakan Kin

²⁰ Ateyapi kin Cinhintku waśte kidake cin heon taku econ kin hena owasin onspekiya; qa nakun ceś wicoḣan dena sanpa tanka onspekiye kta, hecen ininihanpi kta.

Johannes 5:20 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Mattheos 4:8

Hehan ake Wakanśica paha wan tehanwankantuya kin he ekta aya, qa maka akan wokiconze kin owasin wowitan ko kipazo;

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 10:32

Unkan Jesus awicayupta; Ate eciyatanhan wicoḣan waśte ota cicipazopi; hena tukte wanji on nakaha inyan on mayakininpi kta he, eya.

Johannes 14:12

Wowicake, wowicake on heciciyapi; Tuwe wicamada kin he wicoḣan ecamon kin hena iś iyecen econ kta, nakun eeś sanpa tanka econ kta; Ate ekta wahde kte cin heon etanhan.

Johannes 15:15

Ookiye wicayapi wanna eciciyapi śni; ookiye yapi un kin he Itancan ye cin taku econ keś sdonye śni. Tuka takuciyapi eciciyapi; Atewaye cin tona naḣonmaye cin owasin sdonye ciciyapi kin heon.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 3:35

Atkuku kin Cinhintku waśtekidake c̣a, taku owasin iye nape kin en qu:

Johannes 5:21

Ateyapi kin tuwe ṭa keś niye c̣a wiconi wicaqu ece; he iyecen Cinḥintku kin iś tona cin kinhan wiconi wicaqu ece.

Johannes 5:25

Wowicake, wowicake eciyatanhan heciciyapi, Anpetu wan u qon wanna hi, wicaśta ṭa tona Wakantanka Cinhintku ho kin naḣon kta; qa tona naḣon kinhan hena ni kta.

Johannes 5:29

Qa hninanpapi kta, tona waśte econpi kin hena wiconi woekicetu ekta; qa tona taku śica econpi kin hena woyaeo woekicetu ekta hiyupi kta.

II. Inyan 1:17

Wakantanka Ateye cin eciyatanhan woyuonihan wowitan ko icu, wowitan waśte kin etanhan wicaho kin de hiyu qehan, Micinkśi waśtewakidake cin he dee, on iyomakipi ḣinca ce.