Johannes 5:19 - Dakota Wowapi Wakan Kin

¹⁹ Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Johannes 5:19 ပူးပေါင်းရင်းမြစ်များ

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Lukas 21:15

Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.

Johannes 10:18

Tuwedan he maki kte śni; qa miye cinka he wicawaqu; he amduśtan kte cin owakihi, qa ewehdaku kte cin nakun owakihi; Ate hecen econ maśi ce, eya.

Johannes 12:49

He miye cinka hecen oiewaye śni; tuka Ate u maśi kin he iye econ maśi, taku epe kte c̣a taku omdake kte cin.

Johannes 12:50

Qa toope kin he owihanke wanin wiconi e sdonwaya. Token epe cin hena, Ate hena hecen emakiya, heon etanhan hecen epa ece, eya.

Johannes 14:10

Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

Johannes 2:19

Unkan Jesus waayupte c̣a, Tipi kin de ihangya po, qa anpetu iciyamni kin han ake ekicetuwaye kta, ewicakiya.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 5:21

Ateyapi kin tuwe ṭa keś niye c̣a wiconi wicaqu ece; he iyecen Cinḥintku kin iś tona cin kinhan wiconi wicaqu ece.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 8:28

Hehan Jesus hewicakiya; Tohan Wicaśta Cinhintku kin wankan eyahdepi kinhan, hehan he miye kin śdonyayapi kta, qa miye cinka takudan ecamon śni; tuka Ate taku onspemakiye cin hena ecedan ecen omdaka ece.

Johannes 9:4

Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.

Olianyanpi kin 2:24

Hee Wakantanka ekicetu ye c̣a, wiconṭe icaśke kin kiyuśka, en yuhapi kta okihipica śni nakaeś.

Roma 6:4

Heon etanhan baptem eciyatanhan he kici unhnakapi, wiconṭe kin en, hecen iye Atkuku towitan kin Messiya wicaṭe cin etanhan ekicetu ye ciqon he iyecen unkiś eya wiconi teca kin en maunnipi kta.

Roma 8:11

Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.

I. Korinth 15:12

Unkan Messiya wiconṭe kin etanhan piya ikicage cin he oyakapi hecinhan, token on niyepi wanjikji, Wiconṭe etanhan piya wicoicage wanica ce, ehapi he.

II. Korinth 4:14

Qa tuwe Jesus Itancan kin piya ekicetu ye ciqon, he Jesus eciyatanhan, ake ekicetu unyanpi kta, qa niyepi kin om sutaya he unkiyapi kta e sdonunyanpi.

II. Korinth 5:10

Owasin Messiya tawoyaco oiyotanke kin itokam taninyan inaunjinpi kta, otoiyohi taku iye tancan kin ohna oḣanye cin hena icu kta, token econ qon eciyatanhan, he waśte qa śica unma tukte kaśta.

Ephesos 2:5

Unkiye wicoḣan śica ehna unṭapi qehan, Messiya kici niunkiyapi; wowaonśida on wiconi duhapi ece;

Ephesos 3:16

Hecen iye towitan woyuha kin eciyatanhan taku nic̣upi kta, iye Taniya kin eciyatanhan, wowadake on wicaśta mahen tanhan waśagniyanpi kta.

Philippi 3:21

Iye untancanpi ḣanye cin he yutokecakta; qa iye tancan wakan kin ouncage kin en icaḣye kta, towaśake on taku owasin ohiye kta okihi kin heon etanhan.

Philippi 4:13

Messiya waśagmaye cin he eciyatanhan taku owasin owakihi.

Kolosse 1:11

Iye towitan wowaśake kin eciyatanhan, wicookihi kin owasin on waśagniyanpi kta, wadiwicatake cin owasin on etanhan, qa wacin tankapi, wiyuśkinpi kici:

Kolosse 1:16

Iye eciyatanhan taku owasin kagapi, maḣpiya ekta un qa maka akan un kin hena, taku wanyakapi qa taku Wanyagpica śni, oiyotanke kin, wokiconze kin, wicogkanśkan kin, qa wicowaśake kin; taku owasin iye on icaḣyapi kin hena iye ic̣icaga:

I. Thessalonike 4:14

Jesus ṭe c̣a ake piya ikicage cin he wicaundapi kinhan, he iyecen tona Jesus en iśtinmapi kin hena iye kici Wakantanka uwicakiye kta.

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.