Johannes 5:18 - Dakota Wowapi Wakan Kin

¹⁸ Unkan Juda oyate hehan iyotan Jesus ṭeyapi kta sanpa akitapi, anpetu wakan botica, qa nakun Wakantanka atayedan Ateya keic̣iye cin, Wakantanka kici akiyecen ihdawa kin, heon etanhan.

Johannes 5:18 ပူးပေါင်းရင်းမြစ်များ

Mattheos 12:5

Qa woope kin en nakun dawapi śni, wośnapi kagapi kin tipi wakan ohna anpetu wakan ahopapi śni eśta iyaonpepica śni unpi.

Johannes 1:19

Unkan Johannes woyake ciqon he dee; Jerusalem etanhan Juda oyate Wośnapi kagapi Lewi wicaśta ko ekta ye wicaśipi qa, Tuwe niye he, eciyapi.

Johannes 10:30

Miye, qa Atewaye cin unwanjipidan, eya.

Johannes 10:33

Juda oyate ayuptapi qa heyapi; Wicoḣan waśte on unnicininpi kte śni, tuka iapi śica on, qa winicaśta tuka Wakantanka nic̣icage cin heon etanhan.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 14:9

Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 19:7

Wowakiconze wan unhapi, wowakiconze unhapi kin eciyatanhan ṭe kta iyececa, Wakantanka Cinhintku keic̣iye cin heon etanhan, Juda oyate kin eya ayuptapi.

Johannes 5:15

Unkan wicaśta kin he kihde c̣a, Tuwe asniye ciqon he Jesus ee, Juda oyate owicakiyaka.

Johannes 5:16

Heon etanhan Juda oyate Jesus kuwa ayapi, qa anpetu wakan kin icunhan hena econ kin heon ṭeyapi kta e akitapi.

Johannes 5:17

Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Johannes 7:1

Hena iyohakam Jesus Galile en un; Juda oyate ṭe yapi kta akitapi heon Juda makoce en un wacin śni.

Johannes 7:19

Moses woope kin nic̣upi śni he; tuka tuweden woope kin ecen ecanonpi śni; taku on ṭemayayapi kta e ayakitapi he.

Johannes 8:54

Unkan Jesus waayupte; Miye cinka mihduonihan kinhan, mitowitan kin he taku kte śni; tuka Atewaye cin he mahduonihan ece; unkan he Wakantanka nitawapi, kehapi.

Johannes 8:58

Jesus hewicakiya; Wowicake, wowicake eciyatanhan heciciyapi; Abraham un qon he itokam wanna waun ce, eya.

Philippi 2:6

He Wakantanka ouncage kin en un, qa Wakantanka kici akidecen yanka keic̣iye cin he wawicakipi śni kecin.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.

Wayuotanin 22:3

Unkan heciya wicayuśice wanice kta; tuka Wakantanka oiyotanke tawa kin he, qa Amnos tawa kin hen he kta, qa taokiye kin hena tawoahope kin ecen econpi kta: