Johannes 5:17 - Dakota Wowapi Wakan Kin

¹⁷ Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 5:17 ပူးပေါင်းရင်းမြစ်များ

Mattheos 10:29

Zitkadan nom mazaśa wanjidan iyopeyapi śni he; qa etanhan wanjidan kaeś Niyatepi codan makata iḣpaye kte śni.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 14:10

Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

Johannes 5:16

Heon etanhan Juda oyate Jesus kuwa ayapi, qa anpetu wakan kin icunhan hena econ kin heon ṭeyapi kta e akitapi.

Johannes 5:18

Unkan Juda oyate hehan iyotan Jesus ṭeyapi kta sanpa akitapi, anpetu wakan botica, qa nakun Wakantanka atayedan Ateya keic̣iye cin, Wakantanka kici akiyecen ihdawa kin, heon etanhan.

Johannes 9:4

Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.

Olianyanpi kin 14:17

Hececa eśta tanyan econ, qa maḣpiya eciyatanhan magaju wicaqu, makoncage taku ota icaḣye cin hena ko, qa woyute wowiyuśkin ko on cante imnaunyanpi qon, he eciyatanhan ohinniyan ihdutanin ce.

Olianyanpi kin 17:28

Iye atayedan on unnipi, qa unśkanśkanpi, qa en unyakonpi ece: enitanhanpi wicaśta odowan kagapi ece kin hena wanjikji heyapi qon, Unkiś eya he cinca unyakonpi ce.

I. Korinth 12:6

Qa wicoḣan toktokeca; tuka Wakantanka kin e okonwanjidan, iye owasin en taku owasin owicakiciḣan.

Kolosse 1:16

Iye eciyatanhan taku owasin kagapi, maḣpiya ekta un qa maka akan un kin hena, taku wanyakapi qa taku Wanyagpica śni, oiyotanke kin, wokiconze kin, wicogkanśkan kin, qa wicowaśake kin; taku owasin iye on icaḣyapi kin hena iye ic̣icaga:

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.