Johannes 4:6 - Dakota Wowapi Wakan Kin

⁶ Jakob miniyowe town kin he etu; Jesus mdokite hda, qa miniyowe kin he ahankeya iyotanka. Anpetu kin he en wiyotanhe cin hehantu.

Johannes 4:6 ပူးပေါင်းရင်းမြစ်များ

Mattheos 27:45

Unkan wihiyayedan oape śakpe hetanhan napcinwanka ape cin hehanyan makoce kin owancaya otpaza.

Mattheos 4:2

Unkan wanna anpetu wikcemna topa qa hanyetu wikcemna topa wote śni un, hehan wotektehda

Mattheos 8:24

Unkan iho, mini kin ekta tate iyumni wan tanka; hecen wata kin taja on akaḣpapi; tuka iye iśtinma yanka.

Lukas 2:7

Hecen cinhintku tokapa kin ton, qa śina on hduskite c̣a, wanunyanpi en wotapi wan en ohnaka; timahen owicakan śni heon etanhan.

Lukas 9:58

Unkan Jesus heciya; Śungidan kin waśun tonpi, qa maḣpiya okinyanpi kin hoḣpi yuhapi, tuka Wicaśta Cinhintku kin iye pa kin tukten iwanke kte cin ee kaeś hduhe śni ce.

Johannes 11:9

Jesus waayupte; Anpetu wanjidan keś, wihiyayedan oape akenonpa śni he; tuwe anpetu icunhan mani kinhan naśna śni ece; maka akan iyoyanpa kin he wanyaka heon.

Johannes 4:12

Jakob ateunyanpi miniyowe kin de unqupi, qa etanhan iye mini yatkan, qa cinca qa tawanunyanpi ko, he hecon tuka niye iniyotan he.

Johannes 4:5

Hecen otonwe wan Sukar eciyapi Samariya makoce en, Joseph en ounye kta e Jakob atkuku qu qon he ikiyedan, he ekta hi.

Johannes 4:7

Samariya oyate etanhan winoḣinca wan mini huwe hi; unkan Jesus, Mini maqu wo, eciya.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.