Johannes 4:11 - Dakota Wowapi Wakan Kin

¹¹ Itancan, mini kin de temahentuya hiyeya qa takudan on edaku kte śni; tokiya tanhan mini wiconi kin duha he, winoḣinca kin eciya.

Johannes 4:11 ပူးပေါင်းရင်းမြစ်များ

Johannes 3:4

Wicaśta kin kan ehantanhan token ecin teca ni en tonpi kta he. Ake hunku tezi kin mahen kihde c̣a ake teca ni en tonpi kta he token okihi kta he, Nikodemos eciya.

Johannes 4:14

Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.

Johannes 7:37

Wośnapi anpetu ehake qa tanka kin en, Jesus najin qa hotankakiya heya; Tuwe ipuza kinhan en mau qa mini yatke kta.

Olianyanpi kin 10:14

Tuka iś; Itancan, hecetu śni, tohinni taku ikceka qa aśape cin wate śni ce, eya.

I. Korinth 2:14

Tuka wicaceḣpi wicaśta kin he Wakantanka Taniya taku tawa kin icu śni, hena taku witkotkoke dake c̣a okaḣniga okihi śni, hena wakanyan iyukcanpi nakaeś.

Wayuotanin 21:6

Qa ake kaken emakiya, Wanna henakeca. Alpha qa Omega, otokahe qa owihanke kin he miye ce. Tuwe ipuza kinhan he wiconi mini ḣdoka kin etanhan iyunwin codan yatke wakiye kta.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.

Wayuotanin 22:17

Unkan Woniya kin tawicuyapi kin kici, Kuwa, eyapi. Qa tuwe naḣon kinhan he, Kuwa, eye kta. Qa tuwe ipuza kinhan, he u kta. Qa tuwe cin kinhan he iyunwin codan wiconi mini kin etanhan icu nunwe.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.