Johannes 4:1 - Dakota Wowapi Wakan Kin

¹ Jesus waonspewicakiya ota ic̣icage c̣a baptem wicaqu, Johannes econ qon sam iyeya, Pharisee kin hecen naḣonpi, he Itancan kin sdonya.

Johannes 4:1 ပူးပေါင်းရင်းမြစ်များ

Lukas 1:76

Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;

Lukas 19:31

Qa, Tokeca yakiduśkapi he, tuwe eya iniwangapi kinhan, niś hehan, Itancan kin cin ce, eyakiyapi kta.

Lukas 19:34

Unkan, Itancan kin cin ce, eyapi.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 7:13

Unkan he Itancan kin wanyake c̣ehan, onśida qa heciya; Ceye śni wo.

Lukas 7:19

Hehan Johannes waonspewicakiye cin nom wicakico, qa Jesus ekta ye wicaśi, qa heya; Tuwe u kte ciqon he niye, qa iś wanji tokeca unkapepi kta he.

Johannes 3:22

Hena iyohakam Jesus waonspewicakiye cin om Juda makoce kin en i; qa en om un, qa baptem wicaqu.

Johannes 3:26

Unkan Johannes ekta ipi qa heciyapi; Itancan, Jordan wakpa akasanpa tanhan tuwe kici yaun qa daotanin qon he, iho, wanna baptem wicaqu, unkan owasin en ece iyoptapi.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

I. Korinth 1:17

Baptem wicawaqu kta e on Messiya ye maśi śni, tuka wotanin waśte omdake kte cin heon; wicoksape iapi kin ohna śni, okinni Messiya cansusbeca tawa kin taku śni yapi kta.

I. Korinth 15:47

Wicaśta tokaheya kin he maka etanhan un, qa maka kin heca; Wicaśta iyokihe kin he Itancan maḣpiya eciyatanhan un kin hee.

I. Korinth 2:8

He wicoicage kin de en wicaśta itancanpi kin tuwedan sdonye śni; sdonyapi unkanś Wowitan Itancan kin cansusbeca en okatanpi kte śni tuka.

II. Korinth 4:5

Unkiye unkihdaotaninpi śni, tuka Messiya Jesus Itancan kin he unyaotaninpi ece; qa unkiye Jesus on ookiyewicayayapi kin.

Jakob 2:1

Mihunkawanji, Jesus Messiya, wowitan Itancan wacinyanpi kin, on wicaśta iwandakapi kte cin he yuhapi śni po.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.