Johannes 3:5 - Dakota Wowapi Wakan Kin

⁵ Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Johannes 3:5 ပူးပေါင်းရင်းမြစ်များ

Mattheos 18:3

Qa heya; Awicakehan heciciyapi; Nihduhomnipi śni, qa hokśiyoqopa iyenicecapi śni kinhan, maḣpiya wokiconze kin en yaipi kte śni.

Mattheos 19:24

Qa ake heciciyapi; Kamel wan tahiniśpaciqadan oḣdoka ohna iyaye kte cin he teḣike śni, qa wicaśta wijica Wakantanka tokiconze kin en ye kte cin he teḣika.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Markos 10:14

Tuka Jesus he wanyaka, hehan nina iyokiśice c̣a hewicakiya; Hokśiyoqopapi en maupi kta iyowinwicakiya po, qa teḣindapi śni po; tona dececapi kin Wakantanka tokiconze kin eepi ce.

Markos 16:16

Tuwe wicada qa baptem qupi kinhan he ni kta; qa tuwe wicada śni kinhan he yacopi kta.

Markos 9:47

Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.

Lukas 13:24

Tiyopa cistiyedan kin he ohna dapi kta nina akita po: wicota ohna yapi akitapi kta, tuka okihipi kte śni, eciciyapi ce.

Lukas 13:3

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce.

Lukas 13:5

Hiya; tuka niye nihduecetupi śni ehantanhan, niś eya owasin iyecen nitakunipi kte śni, eciciyapi ce, eya.

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:4

Wicaśta kin kan ehantanhan token ecin teca ni en tonpi kta he. Ake hunku tezi kin mahen kihde c̣a ake teca ni en tonpi kta he token okihi kta he, Nikodemos eciya.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

Roma 14:17

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

I. Korinth 15:50

Mihunkawanji kaken epa; Wicaceḣpi qa wicawe kih Wakantanka tokiconze kin tawapi kta okihipi śni, qa nakun wicaḣwin wicaḣwin kte śni kin tawa kte śni.

I. Korinth 2:12

Unkan unkiye wicoicage kin de en wicoksape kin he unkicupi śni; tuka Wakantanka eciyatanhan Woniya Wakan kin he unkicupi, hecen taku Wakantanka iyunwin codan unqupi kin hena sdonunyanpi kta.

I. Korinth 6:11

Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.

Galatia 6:15

Jesus Messiya en bakiḣdayapi kin he takudan okihi śni, qa bakiḣdayapi śni kin he nakun, tuka wicaśta teca kin.

Ephesos 5:26

Hecen iye oie kin eciyatanhan, mini on hduecedan, qa hduska kta;

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.