Johannes 3:32 - Dakota Wowapi Wakan Kin

³² Qa taku wanyake c̣a taku naḣon kin he owasin yaotonin ece; tuka taku yaotanin kin tuwedan wicada śni.

Johannes 3:32 ပူးပေါင်းရင်းမြစ်များ

Mattheos 7:8

Tuwe da eca icu ece; qa tuwe ode eca iyeya ece; qa tuwe tiyopa katoto eca he kiciyuḣdokapi ece.

Johannes 1:11

Tona tawa kin hena ekta wicahi, tuka tawawicaye cin hena iyowinkiyapi śni.

Johannes 15:15

Ookiye wicayapi wanna eciciyapi śni; ookiye yapi un kin he Itancan ye cin taku econ keś sdonye śni. Tuka takuciyapi eciciyapi; Atewaye cin tona naḣonmaye cin owasin sdonye ciciyapi kin heon.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 3:11

Wowicake, wowicake eciyatanhan heciciya; Taku sdonunyanpi kin hena unkeyapi ece, qa taku wanunyakapi kin dena unkoyataninpi, tuka wounyataninpi kin ayaktapi śni.

Johannes 3:26

Unkan Johannes ekta ipi qa heciyapi; Itancan, Jordan wakpa akasanpa tanhan tuwe kici yaun qa daotanin qon he, iho, wanna baptem wicaqu, unkan owasin en ece iyoptapi.

Johannes 3:33

Taku yaotanin kin he tuwe wicada kinhan Wakantanka wicake cin he yutanin ece.

Johannes 5:20

Ateyapi kin Cinhintku waśte kidake cin heon taku econ kin hena owasin onspekiya; qa nakun ceś wicoḣan dena sanpa tanka onspekiye kta, hecen ininihanpi kta.

Johannes 8:26

Taku ota eciciyapi, qa ciyacopi kta e mduha; tuka tuwe u maśi kin he wowicake; qa taku emakiye cin owasin oyate kin owicawakiyaka ce.