Johannes 3:31 - Dakota Wowapi Wakan Kin

³¹ Tuwe wankan tanhan hi kin he taku owasin iwankam ounye. Tuwe maka etanhan hi kin he maka etanhan, qa maka kin iyecenya oie kiton. Tuwe maḣpiya kin eciyatanhan hi kin he taku owasin on iyotan.

Johannes 3:31 ပူးပေါင်းရင်းမြစ်များ

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Johannes 1:15

Johannes he yaotanin, qa heya niyan; Tuwe mihakam u kte cin he mitokam yawapi ce, epe ciqon he dee; he mitokam un nakaeś.

Johannes 1:27

Tuwe mihektam u kte ciqon, tuka mitokam yawapi kin hee; tahanpe kin wakiyuśdoke kta eśta owakihi śni ce.

Johannes 1:30

Tuwe on hepe ciqon he dee; Wicaśta wan mihakam u kte cin he mitokam yawapi; he mitokam un nakaeś.

Johannes 3:30

Iye kin nina sanpa icage kta, tuka miye yuhukun amaye kta.

Johannes 6:33

Aguyapi Wakantanka tawa kin he tuwe maḣpiya eciyatanhan kuntkiya u, qa oyate wiconi wicaqu kin hee.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Johannes 8:23

Hehan iye hewicakiya; Niye kuya tanhan yaunpi; qa miye e wankan tanhan waun; maka kin detanhan yaunpi, tuka miye maka kin dematanhan śni.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Roma 9:5

Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.

Hebrew 9:1

Hehan awicakehan tokaheya qon he en woohoda wicoḣan kin yukan, qa nakun makata tipi wakan.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.

I. Johannes 4:5

Hena e wicoicage kin etanhanpi; heon wicoicage kin iyecen iapi, unkan wicoicage kin anawicagoptan ece.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.