Johannes 3:3 - Dakota Wowapi Wakan Kin

³ Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:3 ပူးပေါင်းရင်းမြစ်များ

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Mattheos 19:24

Qa ake heciciyapi; Kamel wan tahiniśpaciqadan oḣdoka ohna iyaye kte cin he teḣike śni, qa wicaśta wijica Wakantanka tokiconze kin en ye kte cin he teḣika.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 5:18

Awicakehan heciciyapi; Maḣpiya qa maka kin atakuniśni eśta, oowa wanjidan qa oehnake wanjidan woope kin etanhan icupi kte śni, owasin ecetu kta.

Markos 10:14

Tuka Jesus he wanyaka, hehan nina iyokiśice c̣a hewicakiya; Hokśiyoqopapi en maupi kta iyowinwicakiya po, qa teḣindapi śni po; tona dececapi kin Wakantanka tokiconze kin eepi ce.

Markos 9:47

Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 1:5

Iyoyanpa kin hee otpaze cin en omdesya un, tuka otpaze cin he iyowinkiye śni.

Johannes 1:51

Unkan heciya; Wowicake, wowicake eciyatanhan heciciyapi, Tokata maḣpiya kin yuzamnipi, qa Wakantanka taokiye kin wankantkiya yapi, qa ake kuntkiya upi, qa Wicaśta Cinhintku kin en himniciyapi wandakapi kta ce.

Johannes 12:40

Iśta gonge wicaye c̣a, cante kin ekta nakun wacinton śni wicaya: hecen iśta on wiwanyakapi kte śni, qa cante on takudan yukcanpi kte śni, qa ihduecetupi kte śni, qa hecen wokiziwicawaye śni.

Johannes 3:4

Wicaśta kin kan ehantanhan token ecin teca ni en tonpi kta he. Ake hunku tezi kin mahen kihde c̣a ake teca ni en tonpi kta he token okihi kta he, Nikodemos eciya.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

Galatia 6:15

Jesus Messiya en bakiḣdayapi kin he takudan okihi śni, qa bakiḣdayapi śni kin he nakun, tuka wicaśta teca kin.

Ephesos 2:1

Unkan niś niyepi kin woaḣtani wicoḣan śica ko en niṭapi:

Titos 3:5

Wicoḣan owotanna econkupi kin eciyatanhan śni, tuka iye towaonśida kin eciyatanhan niunyanpi; teca wicatonpi woyujaja kin on, qa Woniya Wakan wicayuteca kin heon etanhan;

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Inyan 1:3

Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:9

Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.

I. Johannes 5:4

Tuwe Wakantanka eciyatanhan tonpi kin he wicoicage kin ohiya ece; unkan woohiye wicoicage ohiye cin he dee, wacinunyanpi kin hee.

Wayuotanin 3:14

Unkan Laodikia ekta okodakiciye ohnihde yuhapi kin he ecen wowapi kicaga wo; Tuwe Amen eciyapi, waayatanin owotanna, qa wicaka, Wakantanka woicage tawa otokahe kin hee hecen eya;