Johannes 3:27 - Dakota Wowapi Wakan Kin

²⁷ Unkan Johannes waayupte c̣a heya; Wicaśta kin maḣpiya eciyatanhan taku qupi śni ehantanhan takudan iye cinka icu okihi kte śni ece.

Johannes 3:27 ပူးပေါင်းရင်းမြစ်များ

Mattheos 21:25

Johannes baptem wicaqu qon he tokiyatanhan he; maḣpiya eciyatanhan qa iś wicaśta eciyatanhan. Unkan he iyakitedan aiapi qa hekiciyapi; He maḣpiya eciyatanhan, unkeyapi kinhan; Tokeca he wicayadapi śni he, eye kta:

Mattheos 25:15

Unkan wanji mazaska tkeutapi tanka zaptan qu, qa wanji nom, qa wanji iś wanjidan qu; otoiyohi token okihi kta hecen wicaqu; hehan icimani iyaya.

Markos 13:34

Wicaśta wan icimani ye kte cin, tipi eḣpeye c̣a taokiyewicaye cin taku econ wicaśi, otoiyohi wicoḣan wicaqu, qa tiawanyake cin he awanyake śi, he iyececa.

Johannes 10:41

Unkan wicota en hipi qa heyapi; Johannes takudan wapetogya ecen econ śni, tuka Johannes wicaśta kin de etanhan tona oyake cin owasin wowicake.

Johannes 6:65

Unkan heya; He etanhan heciciyapi qon, Tuwedan iye cinka en mau okihi kte śni, tuwe Atewaye cin he qu kinhan heceyedan okihi kta.

Roma 1:5

Iye kin eciyatanhan wowaśte unkicupi, qa oyate owasin wacinyanpi kin anagoptanpi kte cin heon yewicaśipi wicoḣan kin he nakun, iye caje kin on:

Roma 12:6

Hecen wowaonśida otoiyohi yukinukanyan unqupi kin eciyatanhan wicookihi ociptetu unhapi; he wokcanpi kte cin hee hecinhan, wowacinye iyutapi kin on unkiyukcanpi ece e kta.

I. Korinth 1:1

Palos Wakantanka tawacin kin eciyatanhan, Jesus yewicaśi kin heca e kaḣnigapi kin he, qa Sosthenes hunkawanjinunyanpi kici,

I. Korinth 12:11

Tuka heha owasin Woniya wanjidan qa okonwanjidan un kin ne oḣanye c̣a, token cin kin hecen wicaśta otoiyohi kipamni wicaqu ece.

I. Korinth 15:10

Tuka tomakece cin Wakantanka towaonśida kin on hemaceca. Qa iye towaonśida mici un kin he taku śni wanica, tuka hena owasin iyakapeya nina ḣtawani; qa he miye śni, Wakantanka towaonśida mici un kin hee.

I. Korinth 3:5

Palos he tuwe, qa Apolos he tuwe he; wowidake unpi kin hecapi, on wicayadapi, otoiyohi Itancan kin wicaqu kin iyececa.

I. Korinth 4:7

Tuwe hecen iyotan nicaga he; qa taku nic̣upi śni kin tukte e duha he. Qa nic̣upi kinhan tokeca nic̣upi śni kin iyecen on iniwinkta he.

Galatia 1:1

Palos yewicaśipi kin heca, wicaśta akantu kin etanhan śni, qa wicaśta on kagapi śni, tuka Jesus Messiya etanhan, qa Wakantanka Ateyapi kin, he wiconṭe etanhan najin kiye cin he nakun etanhan;

Ephesos 1:1

Palos, Wakan tanka tawacin kin eciyatanhan, Jesus Messiya yeśi qon hee, Ephesos ekta tona owotanna un, qa Jesus Messiya wacinyanpi kin hena wowapi cicagapi:

I. Timotheos 2:7

He en eyanpaha qa yeśipi kin heca makagapi; Messiya en wowicake epa, itonśni mawanica; wowacinye wowicake ko Ikcewicaśta onspe wicawakiye kte cin heon.

Jakob 1:17

Taku wicaqupi waśte qa yuśtanpi kin owasin wankantanhan un, qa iyoyanpa Ateyapi kin eciyatanhan kun u ece; iye qe tokeca śni, qa yuhomnipica śni ḣinca.