Johannes 3:26 - Dakota Wowapi Wakan Kin

²⁶ Unkan Johannes ekta ipi qa heciyapi; Itancan, Jordan wakpa akasanpa tanhan tuwe kici yaun qa daotanin qon he, iho, wanna baptem wicaqu, unkan owasin en ece iyoptapi.

Johannes 3:26 ပူးပေါင်းရင်းမြစ်များ

Mattheos 23:7

Qa tihocoka kin en wicayuwintapi, qa, Itancan, Itancan wicaśta ewicakiyapi kta cinpi.

Mattheos 23:8

Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.

Johannes 1:15

Johannes he yaotanin, qa heya niyan; Tuwe mihakam u kte cin he mitokam yawapi ce, epe ciqon he dee; he mitokam un nakaeś.

Johannes 1:7

He wayaotanin hi, Iyoyanpa kin oyake kta; hecen iye eciyatanhan owasin wicadapi kta.

Johannes 1:9

Iyoyanpa wicakapi ḣince cin hee, wicaśta otoiyohi wicoicage kin en u iyoyamye cin hee.

Johannes 11:48

Iyowinunkiyapi kinhan wicaśta owasin wicadapi kta; kinhan Roma oyate kin den upi kta, qa otonwe kin de unkasotapi, qa nakun unkitaoyatepi kin hena ko.

Johannes 12:19

Unkan heon etanhan Pharisee kin iyakitedan hekiciyapi; Wanyaka po, takudan oyakihipi śni; iho, wicaśta owasin he ihakam iyayapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 4:1

Jesus waonspewicakiya ota ic̣icage c̣a baptem wicaqu, Johannes econ qon sam iyeya, Pharisee kin hecen naḣonpi, he Itancan kin sdonya.

Johannes 4:2

Tuka Jesus iye atayedan baptem wicaqu śni, waonspewicakiye cin hena heconpi.

Johannes 4:31

He icunhan waonspewicakiye cin cekiyapi qa, Itancan, wota wo, eciyapi.

Johannes 5:33

Johannes ekta ye wicayaśipi; unkan taku yaotanin kin wowicake kin hee.