Johannes 3:2 - Dakota Wowapi Wakan Kin

² Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 3:2 ပူးပေါင်းရင်းမြစ်များ

Mattheos 22:16

Qa iye waonspewicakiyapi kin Herodian hena om ekta yewicaśipi qa heyapi; Waonspekiye, iewicayaka sdonunyanpi, qa awicakehan Wakantanka tacanku kin onspeunyakiyapi ece, qa tuwedan koyakipe śni; wicaśta akantu ekta eyatonwe śni nakaeś.

Mattheos 23:7

Qa tihocoka kin en wicayuwintapi, qa, Itancan, Itancan wicaśta ewicakiyapi kta cinpi.

Mattheos 23:8

Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.

Markos 12:14

Unkan hena en hipi qehan heciyapi; Waonspekiye, iewicayaka qa tuwedan koyakipe śin sdonunyanpi; wicasta tancan ekta eyatonwe śni ece, tuka awicakehan Wakantanka tacanku kin odaka ece; Kesar wamnayanpi qupi kta iyececa he.

Johannes 1:38

Henan Jesus ihdamna, qa ihakam upi wanwicayake c̣a hewicakiya; Taku ayakitapi he. Unkan, Itancan, Waonspekiye eyapi kin he kapi, tukten yati he, eciyapi.

Johannes 10:38

Tuka hecen ecamon kinhan, miye wicamayadapi śni eśta, wicoḣan kin hena wicada po; hecen Atewaye cin micica, qa miye he weeica, heciyatanhan sdonyayapi qa wicayadapi kta ce, eya.

Johannes 12:37

Taku wapetokeca ota econ, qa wanyagwicaya, tuka wicadapi śni.

Johannes 14:10

Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

Johannes 15:24

Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 20:16

Unkan Jesus heciya, Mary. Unkan iye ihdamna, qa, Rabboni, eciya; he Waonspekiye eyapi.

Johannes 3:26

Unkan Johannes ekta ipi qa heciyapi; Itancan, Jordan wakpa akasanpa tanhan tuwe kici yaun qa daotanin qon he, iho, wanna baptem wicaqu, unkan owasin en ece iyoptapi.

Johannes 4:31

He icunhan waonspewicakiye cin cekiyapi qa, Itancan, wota wo, eciyapi.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Johannes 7:31

Unkan oyate kin etanhan wicota he iye kin wicadapi qa heyapi; Tohan Messiya hi kinhan, de taku wapetogya econ kin, he sam iyeya hecon kta he, eyapi.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 2:22

Israel wicaśta, wicoie kin de naḣon po; Jesus Nazareth etanhan qon, wicaśta wan niyepi kin ekta, Wakantanka hdutanin qon, wicowaśake, taku on inihanpi, qa wowapetokeca niyepi cokaya Wakantanka econ kiye ciqon hena e niye sdonyayapi.

Philippi 1:14

Qa Itancan kin en, hunkawanjin kiciyapi kin ota, miye makaśkapi kin on, sanpa nina waditakapi, qa kokipeśniyan wicoie kin taninyan oyakapi ece.