Johannes 3:18 - Dakota Wowapi Wakan Kin

¹⁸ Tuwe he wacinye cinhan he yacopi kte śni; tuka tuwe wacinye śni kinhan he wanna yacopi; Wakantanka Cinhintku iśnana icage cin he caje kin wacinye śni kin heon etanhan.

Johannes 3:18 ပူးပေါင်းရင်းမြစ်များ

Markos 16:16

Tuwe wicada qa baptem qupi kinhan he ni kta; qa tuwe wicada śni kinhan he yacopi kta.

Johannes 1:12

Tuka tona iyowinkiyapi kin hena Wakantanka cinca wicaya yakonpi kta e okihi wicaya, tona iye caje wicadapi kin hena.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 3:36

Hecen tuwe Cinhintkuyapi kin wacinye cinhao owihanke wanin wiconi kin wanna yuha; tuka tuwe wacinye śni kinhan, he wiconi wanyake kte śni, tuka Wakantanka tocanniye kin wanna akan un.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 6:47

Wowicake, wowicake eciyatanhan heciciyapi, Tuwe miye wicamada kinhan, he owihanke wanin wiconi yuhe kta.

Roma 5:1

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

Roma 8:34

Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.

Hebrew 12:25

Ihnuhan tuwe ie cin anayagoptanpi śni kinhan; tona tuwe maka akan ie ciqon he anagoptanpi śni qon hena najicapi śni hecinhan, sam iyeya unkiye naunjicapi kte śni, tuwe maḣpiya tanhan ie cin ihaunktapi śni kinhan.

Hebrew 2:3

Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:

Hebrew 3:19

Hecen wicadapi śni kin heon en yapi kta okihipi śni e wanunyakapi.

I. Johannes 3:23

Unkan tawoahope kin he dee, Iye Cinhintku Jesus Messiya caje kin wacinunyanpi, qa otoiyohi waśteunkicidapi kta, econ unśipi qon iyececa.

I. Johannes 4:9

Wakantanka canteunkiyapi kin he deciyatanhan tanin, Wakantanka iye Cinhintku iśnana icage cin he makata u śi, heciyatanhan unnipi kta e heon.

I. Johannes 5:10

Tuwe Wakantanka Cinhintku kin wicada kin he wayaotanin iye atayedan yuha un. Tuwe Wakantanka wicada śni kin he itonśni daka ece; wayaotanin kin on Wakantanka iye Cinhintku hdaotanin qon he wicada śni kin heon.

I. Johannes 5:12

Tuwe Cinhintkuyapi kin yuhe cin he wiconi yuha; qa tuwe Wakantanka Cinhintku kin yuhe śni kin he wiconi yuhe śni.