Johannes 3:17 - Dakota Wowapi Wakan Kin

¹⁷ Wakantanka Cinhintku kin wicoicage kin en u śi kin, heon oyate kin wicayaco kta e hecon śni; tuka iye on oyate kin nipi kta e hecon.

Johannes 3:17 ပူးပေါင်းရင်းမြစ်များ

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:11

Wicaśta Cinhintku kin taku atakuniśni qon he niye kta on hi.

Lukas 19:10

Wicaśta Cinhintku kin taku atakuni śni qon he akite c̣a niye kta e heon hi ce, eya.

Lukas 9:56

Wicaśta Cinhintku kin wicaśta ṭewicaye kta on hi śni, tuka niwicaye kta heon hi ce, eya. Unkan otonwe wan tokeca ekta iyayapi.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 11:42

Qa ohinniyan namayaḣon kin he sdonwakiya; tuka wicaśta hnakapi kin de en mitan okśan najinpi kin de on, he niye u mayaśi kin wicadapi kta e on hepe.

Johannes 17:18

Oyate kin deci u mayeśi qon, he iyecen iś oyate kin ecen ye wicawaśi.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 17:23

Miś wicakici waun, qa niś mici yaun, hecen wanjidan en wicayuśtanpi kta; qa hecen niye umayaśi kin he oyate kin sdonyapi kta; qa waśtemayakida kin he iyecen waśtewicawakida ece.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

Johannes 20:21

Wookiye nicipi un nunwe, ake Jesus ewicakiya. Ate u maśi kin he iyecen miś ye ciśipi.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 5:38

Qa oie kin en niunpi śni, tuwe u śi kin he wicayadapi śni, heon etanhan.

Johannes 5:45

Ate en aciyapi kta e kecanmakinpi śni po; Moses he wacinyayapi qon he iye taku iyanioapapi ce.

Johannes 6:29

Jesus waayupte c̣a hewicakiya; Wakantanka wicoḣan tawa kin he dee, tuwe u śi kin he wicayadapi kta.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 7:29

Tuka miye he sdonwakiya, he iye etanhan wahi, qa u maśi kin hee.

Johannes 8:11

Han, Itancan, tuwedan śni, eya. Miś eya ciyaco śni, hunktiya wo, tokata yeye cin icimana waḣtani śni wo, Jesus eciya.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

I. Johannes 4:14

Unkan wanunyakapi, qa Ateyapi kin Cinhintku ukiya, wicoicage kin ekta, Wanikiya hee kta e he unyaotaninpi.