Johannes 3:16 - Dakota Wowapi Wakan Kin

¹⁶ Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 3:16 ပူးပေါင်းရင်းမြစ်များ

Mattheos 9:13

Tuka ya po, qa de taku kapi hecinhan sdonya po; Wowaonśida iyomakipi qa wośnapi wacin śni. Wicaśta owotanna wicakico wahi śni, tuka waḣtanipi sa iyopeiciyapi kta on wahi ce.

Markos 12:6

Hehan cinhintku wanjidan waśtekidake cin he hinaḣin hduha; unkan he ehake ekta ye śi, qa; Micinkśi yuonihanpi kta ce, eya.

Lukas 2:14

Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 3:15

Heon tuwe awacin kinhan owihanke kte śni, qa owihanke wanin wiconi yuhe kta.

Johannes 3:18

Tuwe he wacinye cinhan he yacopi kte śni; tuka tuwe wacinye śni kinhan he wanna yacopi; Wakantanka Cinhintku iśnana icage cin he caje kin wacinye śni kin heon etanhan.

Johannes 3:36

Hecen tuwe Cinhintkuyapi kin wacinye cinhao owihanke wanin wiconi kin wanna yuha; tuka tuwe wacinye śni kinhan, he wiconi wanyake kte śni, tuka Wakantanka tocanniye kin wanna akan un.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

Titos 3:4

Tuka hehan Wakantanka Wanikiya unkitawapi kin he towaśte, qa wacantkiye cin wicaśta kin en yutaninpi qehan;

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

I. Johannes 4:19

Iye tokaheya canteunkiyapi kin heon unkiye Wakantanka waśteundakapi.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,